कधी कधी आपल्या रोजच्या सवयी, अगदी साध्या कृतीसुद्धा आपल्या नशिबावर परिणाम करू शकतात, हे वाचून तुम्हाला आश्चर्य वाटेल. पण अंकशास्त्रात असे काही संकेत आहेत जे आपल्याला अशा गोष्टींपासून सावध राहायला शिकवतात. आज आपण अशाच एका विशेष बाबतीबद्दल बोलणार आहोत, त्या लोकांबद्दल जे 3,12,21 किंवा 30 तारखेला जन्मले आहेत.
मूलांक 3
अंकशास्त्रानुसार, या जन्मतारखांचे मूलांक 3 असतो आणि हा अंक गुरु ग्रहाशी संबंधित आहे. गुरु म्हणजे ज्ञान, धर्म, आदर्श आणि आध्यात्मिक ऊर्जा यांचे प्रतीक. या लोकांचं व्यक्तिमत्त्व तेजस्वी, विचारशील आणि सकारात्मक उर्जेने भरलेलं असतं. त्यांचा प्रभाव इतरांवर सहजपणे पडतो, म्हणूनच हे लोक समाजात, शिक्षण, धर्म किंवा सल्लागार क्षेत्रात चांगलं नाव कमावतात.
पण इथेच एक सूक्ष्म गोष्ट लक्षात घ्यायला हवी. या उर्जेचा वापर आणि वाटप. मूलांक 3 चे लोक जेव्हा एखाद्याशी हस्तांदोलन करतात, तेव्हा त्यांच्या शरीरातील ही सकारात्मक ऊर्जा ही शक्ती दुसऱ्याच्या शरीरात पोहोचते.
हे ऐकायला अतिशयोक्त वाटू शकतं, पण यामागे एक आध्यात्मिक तत्त्व आहे. उर्जा ही वाहती असते आणि संपर्काने ती हस्तांतरित होऊ शकते. यामुळे या व्यक्तींचं नशीब कधी कधी दुर्बळ होतं, आत्मविश्वास कमी होतो आणि त्यांच्या मार्गातील अडथळे वाढतात.
मूलांक 3 साठी सल्ला
हे लोक म्हणजे एक प्रकारचे ऊर्जा केंद्र असतात. त्यांच्या आसपासचे लोक त्यांच्याकडून सहज प्रेरणा घेतात. त्यामुळेच त्यांना सल्ला दिला जातो की, शक्यतो हस्तांदोलन टाळा. त्याऐवजी हात जोडून नमस्कार करा, किंवा जर हात मिळवणं टळूच शकत नसेल, तर जप करताना, विशेषतः “ॐ” किंवा “गुरु मंत्र” मनात म्हणत हस्तांदोलन करा, म्हणजे तुमचं उर्जाकेंद्र कमकुवत होणार नाही.
