Canara Bank FD Scheme : अलीकडे भारतात फिक्स डिपॉजिट अर्थातच एफडी मध्ये गुंतवणूक करणाऱ्यांचे प्रमाण मोठ्या प्रमाणात वाढले आहे. दरम्यान जर तुम्हीही एफडी मध्ये गुंतवणूक करण्याच्या तयारीत असाल तर तुमच्यासाठी आजची ही बातमी फारच कामाची ठरणार आहे.
कारण की, आज आपण देशातील एका प्रमुख बँकेच्या एफडी योजनेची माहिती पाहणार आहोत. कॅनरा बँकेच्या तीन वर्षांच्या FD योजनेबाबत आज आपण सविस्तर माहिती जाणून घेणार आहोत.
सुरक्षित गुंतवणुकीसाठी एफडीचा ऑप्शन बेस्ट
खरे तर सुरक्षित गुंतवणुकीसाठी एफडीचा पर्याय हा फारच फायद्याचा ठरतो. महत्त्वाचे म्हणजे अलीकडील काही वर्षांमध्ये बँकांकडुन एफडी मध्ये गुंतवणूक करणाऱ्या गुंतवणूकदारांना चांगले व्याज दिले जात आहे.
त्यामुळे सीनियर सिटीजन ग्राहक आणि महिला वर्ग फिक्स डिपॉझिट मध्ये मोठ्या प्रमाणात पैसा गुंतवत आहेत. दरम्यान, जर तुमचाही फिक्स डिपॉझिट मध्ये पैसा गुंतवण्याचा प्लॅन असेल तर तुमच्यासाठी कॅनरा बँकेचा पर्याय बेस्ट ठरणार आहे.
ही बँक आपल्या ग्राहकांना सात दिवसांपासून ते दहा वर्ष कालावधीची एफडी योजना ऑफर करत आहे. या विविध कालावधीच्या FD योजनांवर बँकेच्या माध्यमातून ग्राहकांना चांगले व्याजदर ऑफर केले जात आहे.
पण जर तुम्हाला अडीच ते तीन वर्षांचा काळासाठी आपला पैसा सुरक्षित ठिकाणी गुंतवायचा असेल तर कॅनरा बँकेची तीन वर्षाची एफडी योजना तुमच्यासाठी एक बेस्ट ऑप्शन ठरणार आहे. कारण की, या एफडीवर बँकेकडून सर्वाधिक व्याज दिले जात आहे.
3 वर्षाच्या एफडीचे व्याजदर कसे आहेत ?
कॅनरा बँकेच्या तीन वर्षांच्या एफडी योजनेबाबत बोलायचं झालं तर यामध्ये गुंतवणूक करणाऱ्या सामान्य ग्राहकांना बँकेकडून 7.40% दराने व्याज दिले जात आहे. मात्र याच कालावधीच्या एफडी योजनेत ज्येष्ठ नागरिकांना म्हणजेच 60 वर्षांवरील नागरिकांना अधिकचा परतावा दिला जातो.
60 वर्षांवरील नागरिकांनी जर या योजनेत गुंतवणूक केली तर त्यांना 7.90% दराने व्याज दिले जात आहे. आता आपण या योजनेत तीन लाखाची गुंतवणूक केल्यास किती रिटर्न मिळणार हे समजून घेऊयात.
एखाद्या सामान्य ग्राहकाने या योजनेत तीन लाख रुपयाची इन्व्हेस्टमेंट केली तर त्यांना 7.40% दराने तीन वर्षांनी तीन लाख 73 हजार 812 रुपये मिळणार आहेत म्हणजेच 73 हजार 812 रुपये व्याज म्हणून संबंधित व्यक्तीला रिटर्न मिळतील.
दुसरीकडे याच कालावधीच्या एफडी योजनेत साठ वर्षांवरील ज्येष्ठ नागरिक ग्राहकाने तीन लाखाची इन्वेस्टमेंट केली तर त्यांना 7.90% दराने तीन वर्षांनी तीन लाख 79 हजार 355 रुपये मिळणार आहे. म्हणजेच 79 हजार 355 रुपये संबंधित व्यक्तीला व्याज स्वरूपात रिटर्न मिळणार आहेत.
