Cheapest Personal Loan : एसबीआय ही देशातील सर्वात मोठी सरकारी बँक आहे. ही बँक आपल्या ग्राहकांना आकर्षित करण्यासाठी कमी इंटरेस्ट रेटवर विविध प्रकारचे कर्ज उपलब्ध करून देते. बँकेकडून आपल्या ग्राहकांना वैयक्तिक कर्ज देखील उपलब्ध करून दिले जात आहे.
मात्र एसबीआय बँकेपेक्षा एचडीएफसी बँक कमी व्याजदरात वैयक्तिक कर्ज उपलब्ध करून देते. एसबीआय बँकेचे वैयक्तिक कर्जासाठीचे व्याजदर हे एचडीएफसी पेक्षा अधिक आहेत.
यामुळे तुम्हाला एचडीएफसी बँकेकडून वैयक्तिक कर्ज घेणे परवडणार आहे. अशा परिस्थितीत, आज आपण एचडीएफसी बँकेच्या वैयक्तिक कर्जाची सविस्तर माहिती जाणून घेण्याचा प्रयत्न करणार आहोत.
एचडीएफसी बँकेचे वैयक्तिक कर्जाचे व्याजदर आणि या बँकेकडून जर एखाद्याने नऊ लाख रुपयांचे कर्ज तीन वर्षे कालावधीसाठी घेतले तर त्याला कितीचा हप्ता भरावा लागणार या संदर्भात आता आपण माहिती पाहणार आहोत.
एचडीएफसी बँकेचे वैयक्तिक कर्जासाठीचे व्याजदर
एचडीएफसी बँक सध्या 10.75% या किमान व्याजदरात आपल्या ग्राहकांना वैयक्तिक कर्ज ऑफर करत आहे. स्टेट बँक ऑफ इंडिया बाबत बोलायचं झालं तर एसबीआय आपल्या ग्राहकांना 11.45% या किमान व्याज दरात वैयक्तिक कर्ज उपलब्ध करून देते.
मात्र हे बँकेचे किमान व्याजदर असून या व्याजदरात फक्त अशाच लोकांना कर्ज मिळते ज्यांचा सिबिल स्कोर हा 800 च्या आसपास असतो. जर तुमचा सिबिल स्कोर 800 पेक्षा कमी असेल तर तुम्हाला वैयक्तिक कर्जासाठी अधिकचे व्याजदर लागणार आहे.
एचडीएफसी बँकेकडून नऊ लाखाचे कर्ज घेतले तर
जर एचडीएफसी बँकेकडून नऊ लाख रुपयांचे कर्ज किमान 10.75 टक्के या रेटवर तीन वर्ष कालावधीसाठी मंजूर झाले तर 29 हजार 358 रुपयांचा मासिक हप्ता भरावा लागणार आहे.
म्हणजेच या कालावधीत सदर कर्जदाराला दहा लाख 56 हजार 888 रुपये भरावे लागणार आहेत. अर्थातच एक लाख 56 हजार 888 रुपये व्याज म्हणून द्यावे लागतील.
