HDFC FD News : जर तुम्हीही येत्या काही दिवसात एफडी म्हणजेच फिक्स डिपॉझिट मध्ये गुंतवणूक करू इच्छित असाल तर तुमच्यासाठी आज आम्ही एक महत्त्वाची माहिती घेऊन आलो आहोत. आज आपण एचडीएफसी बँकेच्या 35 महिन्यांच्या एफडी योजनेची माहिती पाहणार आहोत. एचडीएफसी ही देशातील प्रायव्हेट सेक्टर मधील सर्वात मोठी बँक.
ही बँक देशातील सर्वाधिक सुरक्षित बँकांच्या यादीत येते हे विशेष. आरबीआय ने सांगितल्याप्रमाणे एसबीआय, एचडीएफसी आणि आयसीआयसीआय या तीन बँका देशातील सर्वाधिक सुरक्षित बँका आहेत.
अशा परिस्थितीत, जर तुम्ही एफडी करण्याच्या तयारीत असाल तर या तिन्ही बँकांमध्ये एफडी करणे तुमच्यासाठी फायदेशीर ठरणार आहे. एचडीएफसी मध्ये एफडी केल्यास तुम्हाला नक्कीच चांगला परतावा मिळणार आहे. कारण की, ही बँक आपल्या ग्राहकांना आकर्षित करण्यासाठी एफडीवर चांगला परतावा देत आहे.
कशी आहे एचडीएफसी बँकेची 35 महिन्यांची एफडी योजना
एचडीएफसी बँक वेगवेगळ्या कालावधीच्या एफडी ऑफर करते. या वेगवेगळ्या कालावधीच्या एफडी साठी वेगवेगळे व्याजदर लागू आहे. दोन वर्षे 11 महिने ते 35 महिने कालावधीच्या एफडी साठी एचडीएफसी बँकेकडून सामान्य ग्राहकांना 7.35% या रेटने परतावा दिला जात आहे. पण जर याच कालावधीच्या एफडी मध्ये सीनियर सिटीजन ग्राहकाने गुंतवणूक केली तर त्यांना 7.85% या रेटने परतावा मिळतो.
तीन लाख 50 हजाराची गुंतवणूक केली तर किती रिटर्न मिळणार
जर 35 महिने कालावधीच्या एफडी योजनेत सामान्य ग्राहकाने 3 लाख 50 हजाराची गुंतवणूक केली तर त्याला 35 महिन्यानंतर चार लाख 32 हजार 869 रुपये मिळणार आहेत. म्हणजेच 82,869 रुपये व्याज मिळणार आहे.
दुसरीकडे जर याच कालावधीत सीनियर सिटीजन ग्राहकाने साडेतीन लाख रुपये गुंतवले तर त्याला मॅच्युरिटी वर चार लाख 39 हजार 111 रुपये मिळणार आहेत. म्हणजेच 89 हजार 111 रुपये सदर ग्राहकाला व्याज मिळणार आहे.
