Post Office Scheme : पोस्ट ऑफिस च्या माध्यमातून गुंतवणुकीच्या अनेक योजना राबवल्या जात आहेत. पोस्टाच्या बचत योजनांमध्ये गुंतवणूक करणाऱ्यांची संख्या फारच उल्लेखनीय आहे. पोस्ट ऑफिस टाईम डिपॉझिट योजना ही पोस्टाची एक लोकप्रिय योजना असून आज आपण याच योजनेसंदर्भात माहिती पाहणार आहोत.
पोस्ट ऑफिसच्या या टाईम डिपॉझिट योजनेला एफडी योजना म्हणूनही ओळखले जाते. कारण की या योजनेचे स्वरूप हे हुबेहूब बँकेच्या एफडी योजनेप्रमाणेच आहे. म्हणून याला इंडियन पोस्टाची एफडी योजना असे म्हणून ओळखले जाते.
पोस्टाची ही टीडी योजना एक, दोन, तीन आणि पाच वर्ष कालावधीसाठी आहेत. पोस्टाच्या एका वर्षाच्या टीडी योजनेत गुंतवणूक करणाऱ्या गुंतवणूकदारांना 6.90% दराने परतावा दिला जातो.
दोन वर्ष कालावधीच्या योजनेत गुंतवणूक करणाऱ्या गुंतवणूकदारांना सात टक्के दराने परतावा दिला जातो तीन वर्ष कालावधीसाठी गुंतवणूक करणाऱ्या गुंतवणूकदारांना 7.10% दराने परतावा दिला जातो आणि पाच वर्ष कालावधीसाठी गुंतवणूक करणाऱ्या गुंतवणूकदारांना 7.50% या दराने परतावा दिला जात आहे.
अर्थातच पोस्टाची ही टीडी योजना गुंतवणूकदारांना चांगले व्याज देते. शिवाय या योजनेत केलेली गुंतवणूक ही पूर्णपणे सुरक्षित असून याला सरकारचे कवच आहे. म्हणजेच या ठिकाणी केलेली गुंतवणूक ही कधीच वाया जात नाही.
दरम्यान आता आपण पोस्ट ऑफिसच्या एक वर्षाच्या टीडी योजनेची माहिती पाहणार आहोत. बारा महिन्यांच्या टीडी योजनेत एखाद्या ग्राहकाने जर दोन लाख रुपये गुंतवले तर त्याला किती रिटर्न मिळणार या संदर्भातील सविस्तर कॅल्क्युलेशन आज आपण समजून घेणार आहोत.
दोन लाखाची गुंतवणूक केली तर किती रिटर्न मिळणार
एका वर्षाच्या TD योजनेत गुंतवणूक करणाऱ्या गुंतवणूकदारांना 6.90% दराने व्याज दिले जाते. अशा परिस्थितीत जर एखाद्या ग्राहकाने या एका वर्षाच्या टीडी योजनेत दोन लाख रुपयांची गुंतवणूक केली तर त्याला मॅच्युरिटीवर म्हणजेच 365 दिवसांचा कालावधी पूर्ण झाल्यानंतर दोन लाख 14 हजार 161 रुपये मिळणार आहेत. म्हणजेच गुंतवणूकदाराला 14,161 रुपये व्याज म्हणून या योजनेतून कमावता येणार आहेत.
