Post Office Scheme : आरबीआयने रेपो रेट मध्ये कपात करण्याचा निर्णय घेतल्यानंतर देशभरातील बँकांकडून फिक्स डिपॉझिट चे व्याजदर कमी करण्यात आले आहेत. स्टेट बँक ऑफ इंडिया, एचडीएफसी, आयसीआयसीआय, बँक ऑफ बडोदा, कॅनरा बँक, युनियन बँक ऑफ इंडिया अशा सर्वच बँकांनी एफडी चे व्याजदर कमी केले आहेत.
यामुळे फिक्स डिपॉझिट मध्ये गुंतवणूक करणाऱ्यांना मोठा फटका बसतोय. पण पोस्ट ऑफिसच्या बचत योजनांचे व्याजदर आजही कायम आहेत. यामुळे अनेक जण पोस्टाच्या एफडी योजनेत आणि आरडी योजनेत गुंतवणूक करण्याच्या तयारीत आहेत. दरम्यान आज आपण पोस्टाच्या साठ महिन्यांच्या आरडी योजनेची माहिती पाहणार आहोत.
आरडी योजना कुणासाठी फायदेशीर?
पोस्टाच्या आरडी योजनेत दरमहा एक ठराविक रक्कम गुंतवावी लागते. ही योजना ज्या लोकांना एक रकमी पैसा गुंतवता येत नाही अशा लोकांसाठी फायदेशीर ठरते. पोस्टाच्या आरडी योजनेत ग्राहकांना चांगले व्याज देखील दिले जात आहे.
जर तुम्हाला दरमहा एक छोटीशी रक्कम गुंतवून मोठा निधी उभारायचा असेल तर तुमच्यासाठी पोस्टाची आरडी योजना एक फायदेशीर पर्याय ठरणार आहे.
पोस्टाच्या आरडी योजनेबाबत बोलायचं झालं तर सध्या स्थितीला या योजनेत गुंतवणूक करणाऱ्या गुंतवणूकदारांना 6.7% दराने व्याज दिले जात आहे. पोस्ट ऑफिसची आरडी खाते पाच वर्षांनी म्हणजेच 60 महिन्यांनी परिपक्व होते अर्थातच पोस्टाच्या आरडी योजनेत गुंतवणूकदारांना 60 महिन्यांसाठी गुंतवणूक करावी लागते.
दरमहा 2600 रुपयांची गुंतवणूक केल्यास किती रिटर्न मिळणार?
पोस्ट ऑफिस आरडी योजनेत जर गुंतवणूकदारांनी दर महिन्याला 2600 रुपयांची गुंतवणूक केली तर 60 महिन्यांनी एक लाख 85 हजार 556 रुपये मिळणार आहेत. यामध्ये एक लाख 56 हजार रुपये ही गुंतवणूकदाराची गुंतवणूक राहणार आहे आणि उर्वरित पैसे व्याजाचे राहतील.
म्हणजेच 29 हजार 556 रुपये गुंतवणूकदारांना व्याज स्वरूपात रिटर्न मिळणार आहेत. म्हणजे 2600 रुपयांची गुंतवणूक देखील गुंतवणूकदारांना चांगले रिटर्न देणार आहे.
महत्त्वाची बाब म्हणजे पोस्टाची आरडी योजना ही पूर्णपणे सुरक्षित आहे. येथे गुंतवलेला पैसा वाया जात नाही. यामुळे पोस्टाच्या आरडी योजनेत महिला वर्ग आणि ज्येष्ठ नागरिक मोठ्या प्रमाणात पैसा गुंतवत आहेत.
