अहमदनगर Live24 टीम, 30 जानेवारी 2022 :- दुकानांमध्ये वाईन विक्रीला परवानगी दिल्यापासून भाजप व संजय राऊत यांच्यामध्ये सतत आरोप प्रत्यारोप चालू आहेत. नुकतेच किरीट सोमय्या यांनी राऊतांवर हल्लाबोल केल्याने प्रकरण अजून तापले आहे.
किरीट सोमय्या यांनी संजय राऊत यांनी वाईन कंपन्यांमध्ये गुंतवणूक केली आहे, असे विधान केले होते. यावर संजय राऊत यांनी सोमय्यांचा मुलगा काय चणे-शेंगदाणे विकतो का? भाजप नेत्यांची मुले रस्त्यावर केळी विकतात का?’,असा खोचक सवाल राऊतांनी केला.
संजय राऊत यांनी मीडियाशी संवाद साधताना चोऱ्या करण्यापेक्षा कष्ट कधीही चांगले असे बोलत ‘एखाद्या कुटुंबातील व्यक्ती काही व्यवसाय करत असेल तर तो गुन्हा आहे का? कुणी काही व्यवसाय करत असेल, कुणी काम करत असेल,
बँकांना लुबाडणे आणि चोऱ्यामाऱ्या करण्यापेक्षा काबाड-कष्ट करणे कधीही परवडेल. भाजपचे लोकं काहीही बोलतात. मला शरद पवारांचा फोन होता, तेही यावर हसत होते.
आमच्या कुटुंबाच्या काही वायनऱ्या असतील तर सोमय्या यांच्या नावावर करून द्यायला तयार आहे’, असं राऊत म्हणाले. कुणी काय व्यवसाय करावा हा ज्याचा त्याचा प्रश्न आहे.
‘भाजप नेत्यांची मुले केळी विकतात,सोमय्यांचा मुलगा काय चणे- शेंगदाणे विकतो, अमित शहांचा मुलगा ढोकळा विकतो, असेही संजय राऊत यावेळी बोलले आहेत.
तसेच तुमची मुले काय करतात ते पाहा.आमच्या मुलाबाळांपर्यंत जाऊ नका. आमची मुले ड्रग्स तर विकत नाहीत ना, किंवा ड्रग्सच्या आहारी गेले नाहीत तुमच्याप्रमाणे.
महाराष्ट्रात भाजप नेत्यांनी घाणेरडे राजकारण सुरू केले आहे. हे त्यांच्यावर उलटल्याशिवाय राहणार नाही, अशी संतप्त प्रतिक्रियाही त्यांनी व्यक्त केली.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
