अहमदनगर Live24 टीम, 26 एप्रिल 2022 maharashtra news :- महाराष्ट्र नवनिर्माण सेनेचे अध्यक्ष राज ठाकरे यांच्या औरंगाबादमधील नियोजित सभेला अद्याप पोलिसांनी परवानगी दिलेली नाही.
मात्र सभा घेण्यावर मनसे ठाम असून सभेची निमंत्रण पत्रिका आणि टीझरही जाहीर करण्यात आले आहे. अशात आताच पोलिसांनी मोठे पाऊल उचलले असून औरंगाबादमध्ये पोलिसांनी २६ एप्रिल ते ९ मे या काळात जमावबंदी लागू आदेश लागू केला आहे.
ठाकरे यांनी १ मे रोजी औरंगाबादच्या मराठवाडा सांस्कृतिक मंडळाच्या मैदानावर सभा घेणार असल्याचे जाहीर केले. सभेची तयारी सुरू असतानाच दुसरीकडे भोंग्यांवर राजकीय वातावरण तापले आहे.
यासभेला विरोध करणारी आणि समर्थन देणारी निवेदनही पोलिसांना प्राप्त झाली. शेवटी पोलिसांनी शहरात जमावबंदी आदेश लागू केल्याने सभा घेण्यापुढील अडचणी वाढल्या आहेत. त्यामुळे आता ठाकरे काय भूमिका घेतात, याकडे लक्ष लागले आहे.
