Maharashtra news:नाशिकमध्ये एका मुस्लिम धर्मगुरुची डोक्यात गोळ्या घालून हत्या करण्यात आल्याची खळबळजनक घटना घडली आहे. हत्या का झाली याचं कारण समोर आलेलं नाही.
येवला तालुक्यातील चिंचोडी एमआयडीसी परिसरात ही मंगळवारी ही घटना घडली. हत्या करण्यात आलेली व्यक्ती मूळची अफगाणिस्तानची असल्याचंही समजते. या प्रकरमी येवला शहर पोलिस ठाण्यात गुन्हा नोंद झाला आहे.
हत्या झालेल्या व्यक्तीचे नाव ख्वाजा सय्यद जरीफ चिश्ती (वय ३५) असं आहे. येवला तालुक्यात अफगाणिस्तानमधून आले होते. मुस्लिम धर्मगुरु तसंच सूफी बाबा म्हणून ओळख असलेल्या सय्यद चिश्ती यांच्यावर तीन ते चार जणांनी गोळीबार केला.
यात चिश्ती यांचा जागीच मृत्यू झाला. चिश्ती यांच्या हत्येचं नेमकं कारण अद्याप समोर आलेलं नाही. लुटमारी की धार्मिक कारणामुळे ही हत्या झाली याचा तपास पोलिस करत आहेत. चिंडोडी एमआयडीसी परिसरातील सीसीटीव्ही फूटेज तपासण्यात येत आहे.
