प्रेमविवाह करू नकोस असे म्हणत तरुणास मारहाण

अहमदनगर :- प्रेमविवाह करू नकोस असे म्हणत तिघांनी तरुणास शिवीगाळ, दमदाटी करत लाथाबुक्क्यांनी मारहाण केली.

ही घटना लालटाकी परिसरातील सिद्धार्थनगर येथे सोमवारी घडली. याप्रकरणी तोफखाना पोलिसांनी स्वप्निल शेलार याच्या फिर्यादीवरून सुनील शेलार, सचिन शेलार, रुपेश शेलार यांच्याविरोधात गुन्हा नोंदवला आहे.

स्वप्नील घरासमोर उभा असताना तू प्रेमविवाह करू नकोस, असे म्हणत आरोपींनी मारहाण केली. त्याच्या तोंडावर दगडाने मारून त्याला जखमी केले आहे.