Maruti Car : भारतीय बाजारात मारुती सुझुकीचा चांगलाच दबदबा आपल्याला पाहायला मिळतो. त्यामुळे या कंपनीच्या कार्सना पसंती असून बाजारात चांगली मागणी आहे. ही कंपनी प्रत्येक सेगमेंटमध्ये कार तयार करत असते.
काही दिवसांपूर्वी कंपनीने ‘Maruti S Presso’ ही कार लाँच केली होती. इतर कारप्रमाणे या कारलाही चांगली मागणी आहे. याच कारवर आता 75 हजारांची सवलत मिळत आहे.
मिळत आहे 75 हजारांची सूट
मारुती S-Presso वर एकूण 75 हजारांची सूट उपलब्ध आहे. कंपनी त्याच्या पेट्रोल वेरिएंटवर 65 हजारांची सूट देत असून ज्यामध्ये 45 हजारांची रोख, 15 हजारांची एक्सचेंज आणि 5000 रुपयांची कॉर्पोरेट सूट समाविष्ट आहे.
त्याचे CNG प्रकार 75,000 रुपयांनी कमी किमतीत खरेदी करता येईल. यावर कंपनी 65,000 रुपयांची कॅश डिस्काउंट आणि 15,000 रुपयांची एक्सचेंज ऑफर देत आहे. त्याच्या LXi CNG प्रकाराची किंमत 5.90 लाख रुपये आहे आणि VXi CNG व्हेरिएंटची किंमत 6.10 लाख रुपये इतकी आहे.
जुलैमध्ये लाँच झाले नवीन मॉडेल
कंपनीने ही कार जुलैमध्ये लॉन्च केली होती. नेक्स्ट जनरेशन मॉडेल असून K-Series 1.0-litre Dual Jet, Dual VVT इंजिन आहे. कारमध्ये इडल स्टार्ट-स्टॉप तंत्रज्ञानाचा वापर केला आहे. सध्याच्या मॉडेलच्या तुलनेत त्याची इंधन कार्यक्षमता वाढली आहे, असे कंपनीचे म्हणणे आहे.
नवीन S-Presso चे Vxi(O) आणि Vxi+(O) AGS प्रकार 25.30 Km/l, Vxi/Vxi+ MT 24.76 km/l आणि Std/Lxi MT 24.12 km/l मायलेज देतात. एवढेच नाही तर नवीन मॉडेलच्या सर्व AGS प्रकारांना हिल होल्ड असिस्ट आणि इलेक्ट्रिकली ऍडजस्टेबल ORVM सह ESP मिळत आहे.
शक्तिशाली इंजिन आणि आकर्षक डिझाइन
यामध्ये मिळणाऱ्या इंजिनमुळे 49kW@5500rpm आणि 89Nm@3500rpm चा पीक टॉर्क जनरेट होतो. इंजिन 5-स्पीड मॅन्युअल आणि 5-स्पीड ऑटोमॅटिक ट्रान्समिशनशी जोडले गेले आहे.
नवीन S-Presso मध्ये कमांडिंग ड्राईव्ह व्ह्यू, डायनॅमिक सेंटर कन्सोल, अधिक केबिन स्पेस आणि उच्च ग्राउंड क्लीयरन्ससह एक्सटीरियर्ससारखी बोल्ड एसयूव्ही आहे, ज्यामुळे ड्रायव्हिंग अधिक आरामदायक होते.
मिळणार अनेक सेफ्टी फीचर्स
S-Presso मध्ये अनेक सेफ्टी फीचर्स आहे. यात ड्युअल एअरबॅग्ज, EBD सह ABS, फ्रंट सीट बेल्ट रिमाइंडरसह प्री-टेन्शन आणि फोर्स लिमिटर फ्रंट सीट बेल्ट, हाय स्पीड अलर्ट सिस्टम, रिव्हर्स पार्किंग सेन्सर, हिल होल्ड असिस्टसह इलेक्ट्रॉनिक स्टॅबिलिटी प्रोग्राम (ESP) आहे. तर ही कार अनेक मल्टी कलर पर्यायांमध्ये खरेदी करता येईल.
