Railway Rules : रेल्वेला देशाची जीवनवाहिनी मानली जाते. असंख्य लोक रोज रेल्वेने प्रवास करतात. आपल्या प्रवाशांसाठी रेल्वे अनेक सुविधा देत असते. जर तुम्हीही रेल्वेने प्रवास करत असाल तर तुमच्यासाठी एक महत्त्वाची बातमी आहे.
तुम्ही आता कन्फर्म तिकीट नसतानाही रेल्वेने प्रवास करू शकता. अनेकांना हा रेल्वेचा नियम माहित नसतो. त्यामुळे ते या सुविधेपासून वंचित राहतात. अशातच अनेकांना रेल्वेचे नियम आणि सुविधांबद्दल माहिती नसते.
अनेकजण यासाठी ‘तत्काळ’ तिकीट हा एकमेव पर्याय मानतात. परंतु, प्लॅटफॉर्मवरून तिकीट काढल्यानंतर तुम्ही ट्रेनने प्रवास करू शकता हे फार कमी लोकांना माहीत आहे.
असा करा प्रवास
आरक्षण नसेल तर घाबरण्याची गरज नाही. तुम्ही आता प्लॅटफॉर्म तिकीट घेऊन ट्रेनमध्ये चढू शकता आणि तिकीट तपासकाकडे जाऊन तुम्ही सहजपणे तुमची सीट कन्फर्म करू शकता. त्याच्या गंतव्यस्थानासाठी बनवलेले चालू तिकीट घ्यावे लागेल.
जाणून घ्या नियम
पूर्ण आरक्षण करूनही, कधीकधी तुम्हाला आरक्षित सीट मिळत नाही, तरीही तुम्हाला ट्रेनच्या डब्यात प्रवास करण्याची परवानगी दिली जाते. जर तुमच्याकडे आरक्षण नसेल, तर तुमच्याकडून गंतव्य तिकिटाच्या किंमतीसह 250 रुपये दंड अकरण्यात येतो.
असे ठरवले जातात दर
प्लॅटफॉर्म तिकीट प्रवाशांना ट्रेनमध्ये चढण्याचा अधिकार देते. प्लॅटफॉर्म तिकिटाचा फायदा आहे की, प्रवाशाने प्लॅटफॉर्म तिकीट ज्या स्थानकावरून खरेदी केले आहे ते स्थानक ठरवून त्याचे भाडे मोजले जाईल. भाडे आकारताना त्याच स्थानकाची पडताळणी केली जाते. वर्ग (1AC, 2AC, 3AC इ.) प्रवासाचे एकूण भाडे ठरवले जाते.
