IMD Alert : एकीकडे देशात थंडीचे दिवस संपण्यासाठी अवघे काही दिवस उरले आहेत. तर लवकरच उन्हाळ्याचे दिवस सुरु होणार आहेत. मात्र हवामानाचा मूड बदलणार असल्याचे हवामान विभागाकडून सांगण्यात येत आहे. ऐन थंडीमध्ये पाऊस कोसळणार असल्याचा इशारा हवामान खात्याने दिला आहे.
थंडीचे दिवस संपत आल्याने थंडीचा जोरही कमी झाला आहे. तसेच दुसरीकडे तापमानात वाढ होत आहे. मात्र अचानक तापमानात घट देखील नोंदवली जात आहे. त्यामुळे येत्या २४ तासांत हवामान विभागाकडून पावसाचा इशारा देण्यात आला आहे.
उत्तर प्रदेश, मध्य प्रदेश, हरियाणासह अनेक राज्यांमध्ये जोरदार वारे वाहत आहेत. येत्या काही दिवस थंडीचा मोसम कायम राहणार असल्याची शक्यता हवामान विभागाकडून वर्तवण्यात येत आहे.
मात्र येत्या काही तासांत काही राज्यांमध्ये हवामानात बदल होणार असल्याचा इशाराही हवामान खात्याने दिला आहे. त्यामुळे काही जिल्ह्यांमध्ये पावसाची शक्यता भारतीय हवामान खात्याने वर्तवली आहे.
राजधानीत हिवाळ्याचा निरोप
8 ते 10 फेब्रुवारी दरम्यान, हिमाचल राज्यांमध्ये एक नवीन वेस्टर्न डिस्टर्बन्स सक्रिय होत आहे. त्यामुळे काही राज्यांमध्ये पाऊस आणि डोंगराळ भागात बर्फवृष्टी होण्याचा इशारा देण्यात आला आहे.
या राज्यांमध्ये मुसळधार पावसाचा इशारा
हवामान खात्याच्या माहितीनुसार येत्या दोन दिवसांत जम्मू-काश्मीर, लडाख आणि हिमाचल प्रदेशसह अनेक राज्यांमध्ये बर्फवृष्टी होण्याची शक्यता आहे. अंदमान आणि निकोबार बेटांचा दक्षिण भाग, दक्षिण तामिळनाडू, दक्षिण केरळ आणि लक्षद्वीपमध्ये हलका ते मध्यम पाऊस पडण्याची शक्यता आहे. त्याच वेळी, 8 ते 10 फेब्रुवारी दरम्यान वेस्टर्न डिस्टर्बन्समुळे हवामानात मोठा बदल होईल.
हवामानाच्या अंदाजानुसार, जम्मू-काश्मीर आणि लडाखच्या काही भागांवर वेस्टर्न डिस्टर्बन्सचा प्रभाव दिसत आहे. त्याच वेळी, एक नवीन वेस्टर्न डिस्टर्बन्स म्हणजेच वेस्टर्न डिस्टर्बन्स 5 फेब्रुवारीच्या रात्री पश्चिम हिमालयात पोहोचेल.
त्यामुळे हवामानात बदल होणार आहे. दुसरीकडे, अरुणाचल प्रदेश, सिक्कीम, जम्मू-काश्मीर आणि लडाखमध्ये एक-दोन ठिकाणी हिमवृष्टी आणि पाऊस पडण्याची शक्यता आहे.
