Demat Account Freeze : शेअर मार्केटमध्ये ट्रेडिंग करण्यासाठी तसेच शेअरची खरेदी आणि विक्री करण्यासाठी डीमॅट अकाऊंट खूप गरजेचे असते. आता ज्या लोकांकडे डीमॅट खाते आहे, त्यांच्यासाठी एक महत्त्वाची माहिती आहे. जर तुम्ही 31 मार्च 2023 पूर्वी डीमॅट खात्याशी निगडित महत्त्वाचे काम केले नाही, तर तुमचेही डीमॅट खाते बंद होईल, असे सांगण्यात येत आहे.
याबाबत बाजार नियामक सेबीकडून शेअर बाजारातील गुंतवणूकदारांसाठी आदेश जारी करण्यात आले आहेत. त्यामुळे आता शेअर बाजारात गुंतवणूक करणाऱ्यांना सेबीच्या या आदेशाचे पालन करावे लागणार आहे.हे लक्षात घ्या की नॉमिनी देण्याची प्रक्रिया पूर्ण करण्याची अंतिम तारीख ३१ मार्च ही आहे
त्यामुळे आता फक्त 15 दिवस उरले आहे. जर तुम्हाला तुमची डीमॅट खाती गोठवायची नसतील तर लवकरात लवकर तुमचा डिमॅट नामांकनाचा पर्याय द्या.
“खाते गोठवण्यासंबंधीची तरतूद 31 मार्च 2022 ऐवजी 31 मार्च 2023 पासून अंमलात येणार आहे,” असे सेबीने विविध भागधारकांच्या टिप्पण्यांचा हवाला देत परिपत्रकात सांगितले आहे.
इतकेच नाही तर, त्यात असेही नमूद करण्यात आले आहे की विद्यमान गुंतवणूकदार ज्यांनी परिपत्रकाच्या जुलैच्या रिलीझपूर्वी आधीच त्यांची नामांकन माहिती सादर केली होती त्यांना पुन्हा तसे करण्याची काहीच आवश्यकता नाही.