Maruti Jimny : मारुतीच्या चाहत्यांना एक सुखद धक्का देणारी बातमी आहे. कंपनी आता लवकरच 5-डोअर जिमनी लॉन्च करणार आहे. जी तुम्ही कमी किमतीत खरेदी करू शकता. यात कंपनी शानदार फीचर्स आणि मायलेज देण्याची शक्यता आहे.
दरम्यान काही दिवसांपूर्वी पार पडलेल्या ऑटो एक्सपोमध्ये कंपनीकडून या एसयूव्हीचे अनावरण करण्यात आले होते. लाँच होण्यापूर्वी या कारचे बुकिंग सुरु झाले आहे. अनेक दिवसांपासून कंपनी बहुप्रतिक्षित मॉडेलवर काम करत आहे. आता ही कार लाँच होण्यास सज्ज झाली आहे.
एका अहवालानुसार असे सांगितले जात आहे की मारुती सुझुकी आपली आगामी कार येत्या 7 जून रोजी लॉन्च करेल. दरम्यान या SUV ची प्रतीक्षा खूप दिवसांपासून सुरू होती. ही कार लॉन्च होण्यापूर्वीच 30,000 पेक्षा जास्त युनिट्सचे बुकिंग झालेले आहे. परंतु अजूनही कंपनीकडून याबाबत कोणतीही अधिकृत माहिती दिली नाही.
असे असेल इंजिन आणि मायलेज
याच्या इंजिनबद्दल बोलायचे झाले तर कंपनीकडून यात 1.5-लिटर के-सीरीज नॅचरल एस्पिरेटेड पेट्रोल इंजिन वापरण्यात आले आहे, जे 103 bhp ची मजबूत पॉवर आणि 134 Nm टॉर्क जनरेट करेल. हे इंजिन 5-स्पीड मॅन्युअल आणि 4-स्पीड ऑटोमॅटिक ट्रान्समिशन गिअरबॉक्सशी जोडण्यात आले आहे.
जोपर्यंत मायलेजचा संबंध आहे, मॅन्युअल ट्रान्समिशनसह, जिमनीला ऑटोमोटिव्ह रिसर्च असोसिएशन ऑफ इंडियाने 16.94 kmpl मायलेज देण्यासाठी प्रमाणित करण्यात आले आहे. तर दुसरीकडे, यासाठी असा दावा करण्यात येत आहे की हे मॉडेल 16.39 किमी प्रति लिटर पेट्रोलचा वापर करू शकते.
कंपनी आपल्या आगमी कारमध्ये प्रगत सेफ्टी फीचर्स देत आहे. या SUV मध्ये 6-एअरबॅग्ज, ब्रेक (LSD) मर्यादित स्लिप डिफरेंशियल, हिल डिसेंट कंट्रोल, हिल होल्ड असिस्टसह ESP, रियर-व्ह्यू कॅमेरा आणि अँटी-लॉक ब्रेकिंग सिस्टम (ABS) इलेक्ट्रॉनिक ब्रेकफोर्स डिस्ट्रिब्युशन (EBD) सह फीचर्स असणार आहेत. ही कार सर्व प्रकारच्या रस्त्यांची परिस्थिती तसेच भूप्रदेशात उत्तम ड्रायव्हिंग अनुभव देऊ शकत असल्याचा दावा कंपनीकडून करण्यात येत आहे.
महिंद्रा थारला देईल टक्कर
कंपनीकडून अगोदरच मारुती जिमनीच्या 3-डोअर आवृत्तीचे उत्पादन केले जात आहे, जी इतर देशांमध्ये निर्यात केली जाईल. यावर्षी प्रथमच 5-डोअरचे मॉडेल बाजारात आणण्यात येईल. जी एकदा लॉन्च केल्यानंतर थेट स्पर्धा महिंद्र थारशी टक्कर देईल. दरम्यान कंपनी लवकरच आपल्या थारची 5-डोअर आवृत्ती सादर करेल. नुकतीच ती चाचणी दरम्यान दिसली आहे. जर या कारच्या किमतीचा विचार केला तर कंपनी ही कार 10 ते 12 लाख रुपयांच्या दरम्यान लॉन्च करेल.