Dragon Fruit Benefits : फळे आपल्या आरोग्यासाठी खूप फायदेशीर मानले जातात, हे आपण जाणतोच. जेव्हा-जेव्हा आरोग्यदायी फळांची चर्चा होते तेव्हा ड्रॅगन फ्रूटचे नाव सर्वात आधी येते. हे खायला चविष्ट असण्यासोबतच त्याचे फायदेही खूप आहेत.
ड्रॅगन फ्रूटमध्ये व्हिटॅमिन सी, फायबर, प्रथिने, कॅरोटीन आणि अँटीऑक्सिडंट यांसारखे घटक आढळतात. यामध्ये असलेले पोषक तत्व अनेक आजार बरे करण्याचे काम करतात. चला तर मग जाणून घेऊया ड्रॅगन फ्रूट खाण्याचे काय-काय फायदे आहेत…
ड्रॅगन फ्रूट खाण्याचे फायदे :-
-ड्रॅगन फ्रूटमध्ये ओमेगा-3 फॅटी अ‍ॅसिड आणि अँटीऑक्सिडंट्स भरपूर प्रमाणात असतात. हे रक्ताभिसरण सुधारण्याचे काम करते. ड्रॅगन फ्रूट खाल्ल्याने कोलेस्ट्रॉल कमी होण्यास मदत होते. या फळामध्ये असलेले मॅग्नेशियम स्ट्रोक आणि हृदयविकाराचा झटका यांसारख्या आजारांचा धोका दूर करते.
-ड्रॅगन फ्रूट खाल्ल्याने रोगप्रतिकारशक्ती वाढते. जर तुम्ही आजाराला लवकर बळी पडत असाल तर ड्रॅगन फ्रूटला तुमच्या आहाराचा भाग बनवा. यामध्ये व्हिटॅमिन सी आणि अँटी-ऑक्सिडंट्स असतात, जे रोगांशी लढण्याची शक्ती वाढवतात. पावसाळ्यात आपली रोगप्रतिकारक शक्ती कमकुवत असते. म्हणूनच पावसाळ्यात हे फळ खाण्याचे सुचवले जाते.
-सर्वात महत्वाचे म्हणजे ड्रॅगन फ्रूट हे पचनसंस्थेसाठी फायदेशीर मानले जाते. यामध्ये फायबर्स मुबलक प्रमाणात असतात, ज्यामुळे पचनाशी संबंधित समस्या दूर होतात. ड्रॅगन फ्रूट खाल्ल्याने बद्धकोष्ठता, अपचन आणि पोटदुखी दूर होऊ शकते.
-ड्रॅगन फ्रूटमध्ये भरपूर प्रमाणात लोह असते. हे खाल्ल्याने शरीरातील रक्ताची कमतरता दूर होते. ड्रॅगन फ्रूट खाणे महिलांसाठी खूप फायदेशीर मानले जाते. हे अशक्तपणा आणि थकवा दूर करण्याचे काम करते. महिलांना लवकर थकवा जाणवतो, म्हणूनच हे फळ महिलांसाठी वरदान मानले जाते.
-ड्रॅगन फ्रूटमध्ये कॅल्शियम आणि फॉस्फरस भरपूर प्रमाणात असते. यामुळे आपली हाडे मजबूत होतात. ड्रॅगन फ्रूट खाल्ल्याने सांधे आणि दातांची कमजोरी दूर होते.
-ड्रॅगन फ्रूटमध्ये प्रीबायोटिक्स असतात जे तुमच्या आतड्यांच्या आरोग्यासाठी खूप चांगले आहेत. हे पचनास मदत करते आणि तुमच्या पोटातील चांगल्या बॅक्टेरियाचे संतुलन राखते.
