Amazing Benefits of Paneer : पनीर खायला कोणाला आवडत नाही. जवजवळ भारतातील प्रत्येक हॉटेलमध्ये हा पदार्थ आढळतो, आणि भारतीयांना देखील पनीर खायला खूप आवडते. हॉटेल मध्ये जेवायला जाणाऱ्या प्रत्येक व्यक्तीच्या टेबलावर पनीर आढळते. पनीर खायला जेवढे चविष्ट आहे, तेवढेच ते आपल्या आरोग्यासाठी देखील खूप फायदेशीर आहे.
पनीर शाकाहारी लोकांना खायला खूप आवडते. पनीर खाल्ल्याने शरीरातील अनेक पोषक तत्वांची कमतरता दूर होते. पनीरमध्ये वाढणारे कॅल्शियम, प्रथिने, मॅग्नेशियम, फॉस्फरस, पोटॅशियम, झिंक, सेलेनियम आणि व्हिटॅमिन बी सारखी पोषकतत्त्वे आपल्या आरोग्यासाठी खूप फायदेशीर मानली जातात. आजच्या या लेखात आपण पनीर खाल्ल्याने कोणते आजार टाळता येऊ शकतात हे जाणून घेणार आहोत. चला तर मग…
हृदय रोग
पनीरचे सेवन हृदयासाठी खूप फायदेशीर मानले जाते. यामध्ये आढळणारे पोटॅशियम पोषक रक्तदाब नियंत्रित ठेवण्यास तसेच कोलेस्ट्रॉलची पातळी कमी करण्यास मदत करते. त्यामुळे हृदयाशी संबंधित समस्यांवर ते फायदेशीर ठरते.
वजन
पनीर खाल्ल्याने वजन नियंत्रित ठेवता येते. यामध्ये आढळणारे प्रोटीन पोषक दीर्घकाळ भूक लागण्यापासून वाचवतात. त्यामुळे हे वजन कमी करण्यास उपयुक्त ठरते.
हाडांसाठी फायदेशीर
पनीर तुमची हाडे मजबूत करण्यास मदत करते. कारण त्यात कॅल्शियम आणि फॉस्फरस मुबलक प्रमाणात आढळतात. जे हाडांसाठी फायदेशीर ठरते. तुम्ही आठवड्यातून एकदा तुमच्या आहारात पनीरचा समावेश करू शकता.
तणावाच्या समस्या
जर तुम्ही तणावाच्या समस्येने त्रस्त असाल तर कच्च्या पनीरचे नियमित सेवन करावे. त्यामुळे तणावाची समस्या दूर होण्यास मदत होते. तसेच यात प्रथिने भरपूर प्रमाणात असल्यामुळे तुमच्या केस आणि त्वचेसाठीही खूप फायदेशीर ठरते.
रोगप्रतिकार शक्ती
पनीरचे सेवन रोगप्रतिकारक शक्ती मजबूत करण्यासाठी उपयुक्त आहे. यामध्ये आढळणारे झिंक रासायनिक घटक शरीराची रोगप्रतिकारक शक्ती वाढवण्यास मदत करतात. झिंक पांढऱ्या रक्त पेशी वाढवण्यास मदत करते. जे संसर्गाचा धोका कमी करण्यास उपयुक्त ठरते. हिवाळ्याच्या दिवसात संसर्गाचा धोका मोठ्या प्रमाणावर वाढतो. म्हणूनच या दिवसात पनीरचे सेवन खूप फायदेशीर मानले जाते.
