Post Office : आजच्या काळात गुंतवणूक करणे फार महत्वाचे झाले आहे, कारण कधी कोणत्या कामासाठी अचानक पैशांची गरज भासेल सांगता येत नाही. म्हणूनच लोकंही आज गुंतवणुकीला जास्त महत्व देत आहेत. सध्या लोक पोस्ट ऑफिसच्या गुंतवणुकीकडे वळत आहेत. कारण येथील गुंतवणूक ही सर्वात सुरक्षित गुंतवणूक मानली जाते. अशातच आज आपण पोस्टाच्या अशा एका खास योजनेबद्दल जाणून घेणार आहोत. जी सर्वाधिक परतावा देत आहे.
खरं तर इथे आपण नॅशनल सेव्हिंग सर्टिफिकेटबद्दल बोलत आहोत जे 7.7 टक्केच्या बंपर व्याज दराने कमाईची संधी देत आहे. नॅशनल सेव्हिंग सर्टिफिकेट ही एक सरकारी योजना असल्यामुळे लोक येथे डोळे झाकून गुंतवणूक करू शकतात.
सरकारद्वारे चालवल्या जाणाऱ्या या बचत योजनेत म्हणजेच राष्ट्रीय बचत प्रमाणपत्रामध्ये, निश्चित परताव्यासह सुरक्षित गुंतवणुकीचा पर्याय मिळतो. तसेच तुम्हाला बंपर कमाईची संधीही मिळते.
ही एक योजना आहे जी एकरकमी गुंतवणुकीवर लाभ देते, जर तुम्ही नॅशनल सेव्हिंग सर्टिफिकेट (NSC) मध्ये 10 लाख रुपये जमा केल्यास, 7.7 टक्के व्याजदराने तुम्हाला अंदाजे मिळतील. 4.5 लाख रुपये व्याज मिळेल. अशा स्थितीत 5 वर्षांनंतर तुम्हाला एकूण 14,49,034 रुपये मिळतील.
जर तुमच्याकडे पोस्ट ऑफिस बचत खाते असेल. तर तुम्ही घरबसल्या या योजनेत गुंतवणूक करू शकता, जरी यासाठी तुमच्याकडे इंटरनेट बँकिंग सुविधा असणे आवश्यक आहे.
घरबसल्या कशी गुंतवणूक करता येईल?
-प्रथम DOP Net Banking वर जा आणि “General Service” वर जा.
-“सेवा विनंती” वर क्लिक करा, त्यानंतर नवीन विनंतीवर क्लिक करा.
-आता येथे “New Request” चा पर्याय निवडा.
-त्यानंतर NSC खाते – NSC खाते उघडा.
-आता गुंतवणुकीची रक्कम येथे भर भरा.
