सनी लिओनी आता येतेय मराठी चित्रपटात !

मुंबई :- बोल्ड अभिनेत्री सनी लिओनी लवकरच एका मराठी चित्रपटातून तिच्या चाहत्यांना सुखद धक्का देण्यास येत आहे.

बादशहा शाहरुख खानच्या ‘रईस’ चित्रपटात ‘लैला मै लैला’ या आयटम साँगवर थिरकणारी सनी आता मराठी प्रेक्षकांनाही तिच्या अदांनी घायाळ करणार आहे.

आगामी ‘बॉईझ्’ या चित्रपटात ती आयटम साँगवर डान्स करताना दिसणार आहे. याबाबतची अधिकृत माहिती स्वतः गायक अवधूत गुप्ते यानेच दिली आहे.

अवधूत म्हणाला की, ‘आमच्या चित्रपटात सनी एक आयटम नंबर करत आहे. आम्हाला या चित्रपटाद्वारे मराठीत कधीच झाले नाही असे काही तरी करून दाखवायचे होते.

त्यामुळे बॉलिवूडमधील सुप्रसिध्द चेहऱ्याचा यात उपयोग करून घ्यायचे आम्ही ठरवले. यासाठी निर्माता राजेंद्र शिंदे यांनी पुढाकार घेतला आणि त्यासाठी ते कायम सनीच्या संपर्कातही होते. चित्रपटातील सनीच्या सहभागाने आम्हाला खूप आनंद झाला आहे.