Ahmednagar News : ऐन पावसाळ्यात देखील नगरकरांना पाणी टंचाईचा सामना करावा लागणार आहे. आधीच नागरिकांना पुरेसा पाणीपुरवठा करण्यात मनपा कमी पडत असताना परत पाणी टंचाईचा सामना करावा लागणार असल्याने नागरिक संताप व्यक्त करत आहेत.
अहमदनगर शहर पाणी पुरवठा योजनेवरील मुख्य उपसा केंद्र असलेल्या मुळानगर पंपींग स्टेशन येथील ७२५ एच.पी. मोटार/पंपसेट नादुरूस्त झालेला आहे. त्यामुळे शहरासाठीचा दैनंदिन पाणी उपसा कमी प्रमाणात होत आहे. परिणामी शहर पाणी वितरणासाठीच्या टाक्या निर्धारीत वेळेत भरणे शक्य होत नाही. मुळानगर पंपींग स्टेशन येथील ७२५ एच.पी. मोटार / पंपसेट दुरूस्तीचे काम सुरू आहे. परंतू त्यास अवधी लागणार आहे.
त्यामुळे २६ जून रोजी रोटेशन नुसार पाणी वाटपाच्या शहराच्या मध्यवर्ती भागास म्हणजे मंगलगेट, रामचंदखुंट, जिल्हाधिकारी कार्यालय परिसर, दाळमंडई, काळू बागवान गल्ली, धरती चौक, बंगाल चौकी, माळीवाडा, कोठी या भागात व गुलमोहर रोड, प्रोफेसर कॉलनी परिसर, सिव्हील हडको, प्रेमदान हडको, टी.व्ही. सेंटर परिसर, म्युनिसिपल हडको इ. भागात उशिरा व कमी दाबाने पाणी पुरवठा करण्यात येणार आहे.
आगरकर मळा, स्टेशन रोड, विनायक नगर, कायनेटिक चौक इ. भागातील पाणी पुरवठा हा २६ जून ऐवजी गुरूवार २७ जूनला उशिरा व कमी दाबाने पाणी पुरवठा करण्यात येईल.
सावेडी परिसरातील पाईपलाईन रोड भागात २६ जून रोजी करण्यात येईल. ढवणवस्ती, कसबे वस्ती, तपोवन रोड, निर्मलनगर इ. परिसरातील पाणी पुरवठा २६ जून ऐवजी २७ जून रोजी करण्यात येणार आहे.
मुकुंदनगर, शांतीनगर, शिवाजीनगर या परिसरातील पाणी पुरवठा २६ जून रोजी उशिरा व कमी दाबाने करण्यात येणार आहे. २६ जून रोजी पाणी पुरवठा होवू घातलेल्या शहरातील मध्यवर्ती भागास म्हणजेच सिध्दार्थनगर, लालटाकी, तोफखाना, दिल्लीगेट, नालेगाव, चितळे रोड, आनंदी बाजार, कापड बाजार, खिस्त गल्ली, पंचपीर चावडी, जुने मनपा कार्यालय परिसर, माळीवाडा, बालिकाश्रम रोड परिसर व सावेडी इ. भागात पाणी पुरवठा होणार नसून तो २८ जून रोजी करण्यात येईल. तसेच सर्व उपनगर भागास सुध्दा निर्धारीत रोटेशन वेळेपेक्षा एक दिवस विलंबाने पाणी पुरवठा होणार आहे.
