घसरत्या बाजारात ‘या’ शेअर्समध्ये आहे नफ्याची मोठी संधी! आजच खरेदी करा आणि मिळवा जबरदस्त रिटर्न

Short Term Trading:- आजच्या शेअर बाजारात घसरणीचा सूर पाहायला मिळाला. जागतिक पातळीवरील भू-राजकीय तणावाचा परिणाम बाजारावर स्पष्टपणे जाणवला. निफ्टीने सुमारे ७० अंकांची घसरण नोंदवत २४,९०० च्या खाली वाटचाल केली, तर बँक निफ्टी फारसी हालचाल करताना दिसला नाही. मात्र, मिडकॅप आणि स्मॉलकॅप शेअर्सनी थोडीशी दिलासा देणारी पुनर्प्राप्ती केली. या चढउतारांच्या पार्श्वभूमीवर काही शेअर्समधून अल्पकालीन नफा मिळवण्याची संधी तज्ज्ञांनी दाखवून दिली आहे.

अल्पकालीन नफ्यासाठी तज्ञांनी सुचवलेले शेअर्स

पीएनबी हाऊसिंग फायनान्स

प्रभुदास लिलाधर या ब्रोकिंग संस्थेच्या शिल्पा राऊत यांनी पीएनबी हाऊसिंग फायनान्स या स्टॉकवर लक्ष केंद्रीत केलं आहे. त्यांच्या मते, हा स्टॉक सध्या स्वस्त पर्याय म्हणून पाहता येतो. त्यांनी सुचवले की, जूनमध्ये ११०० स्ट्राइकचा कॉल सुमारे १६.९० रुपयांच्या दरात खरेदी करावा. या व्यवहारात २३ ते ३२ रुपयांपर्यंत नफ्याची शक्यता असून, स्टॉपलॉस ९.५० रुपयांवर ठेवायला हवा.

एलटीआय माइंडट्री

एलटीआय माइंडट्री हा स्टॉक तांत्रिक विश्लेषणाच्या आधारे चांगला दिसतो, असं फ्युचर एक्सिस सिक्युरिटीजचे राजेश पालवीय यांचं मत आहे. त्यांनी ५५३५ रुपयांच्या दरात खरेदी करण्याची शिफारस केली आहे. या स्टॉकसाठी त्यांनी ५५९० आणि ५६२० रुपयांचे लक्ष्य सांगितले असून, जोखीम मर्यादित ठेवण्यासाठी ५४८५ रुपयांचा स्टॉपलॉस सुचवला आहे.

सीमेन्स

मोतीलाल ओसवाल फायनान्शियल सर्व्हिसेसच्या शिवांगी सारडा यांनी सीमेन्स या शेअरमध्ये संधी पाहिली आहे. त्यांच्या मतानुसार, हा शेअर सुमारे ३३२८ रुपयांच्या आसपास खरेदी करावा. त्यांनी त्याचं लक्ष्य ३४५० रुपये सांगितलं असून, स्टॉपलॉस ३२६० रुपयांवर ठेवण्याचा सल्ला दिला आहे.

पीएनसी इन्फ्राटेक

मिडकॅप क्षेत्रातून नरेंद्र सोलंकी (आनंद राठी शेअर्स अँड स्टॉक ब्रोकर्स) यांनी पीएनसी इन्फ्राटेक या कंपनीकडे बोट दाखवलं आहे. दीर्घकालीन गुंतवणुकीच्या दृष्टीने त्यांनी ३०५ रुपयांच्या दरात खरेदी करण्याची शिफारस केली आहे. त्यांच्या अंदाजानुसार, या स्टॉकमध्ये ४०३ रुपयांपर्यंत वाढीची शक्यता आहे, विशेषतः अल्प ते मध्यम कालावधीत.