Sun Pharma Share Price:- आज 28 ऑगस्ट 2025 रोजी बाजारामध्ये सुरुवातीपासून घसरण दिसून येत आहे. बीएसई सेन्सेक्समध्ये आतापर्यंत तब्बल 334.64 अंकांची घसरण झाली असून 80451.53 वर पोहोचला आहे तर निफ्टी 50 मध्ये देखील 86.05 अंकांची घसरण दिसून येत असून सध्या निफ्टी 24626 वर आहे. या सगळ्या परिस्थितीचा नकारात्मक परिणाम हा अनेक कंपन्यांच्या शेअरच्या किंमतींमध्ये दिसून येत आहे. इतकेच नाही तर निफ्टी बँक या महत्त्वाच्या निर्देशांकामध्ये देखील 0.48 अंकांची घसरण झाली असून सध्या 54184.30 वर व्यवहार करत आहे. त्यासोबतच निफ्टी आयटी या निर्देशांकामध्ये 419.65 अंकांची घसरण होऊन 35644.30 वर पोहोचला आहे. या घसरणीचा फटका सन फार्मास्युटिकल शेअरला बसला असून त्यामध्ये 24.20 अंकांची घसरण झालेली आहे. सध्या हा शेअर 1576.10 रुपयांवर ट्रेड करत आहे.
सन फार्मास्युटिकल शेअरची सध्याची स्थिती
आज 28 ऑगस्ट 2025 वार गुरुवारी जेव्हा ट्रेडिंगला सुरुवात झाली तेव्हा सन फार्मास्युटिकलचा शेअर 1593 रुपयांवर ओपन झाला व आजची ही किंमत कालच्या बंद किमतीच्या म्हणजे 1600 रुपये पेक्षा थोडी कमी असल्याचे दिसून आले. परंतु सध्या जर आपण सन फार्मास्युटिकल शेअरची किंमत बघितली तर त्यामध्ये 24.20 अंकांची घसरण दिसून येत आहे व किंमत 1576.10 रुपये इतकी आहे. तसेच आजची नीचांकी आणि उच्चांकी पातळी अनुक्रमे 1567.60 आणि 1600 इतकी राहिली आहे.तसेच 52 आठवड्यांचा उच्चांक 1960 रुपये तर नीचांकी पातळी 1553.05 रुपये इतकी आहे.
सन फार्मास्युटिकल शेअरने आतापर्यंत गुंतवणूकदारांना दिलेला परतावा किती?
सन फार्मास्युटिकल शेअर्सने गुंतवणूकदारांना आतापर्यंत दिलेला परतावा बघितला तर तो काहीसा खालील प्रमाणे आहे.
एक वर्ष कालावधीच्या गुंतवणुकीवर -11.98%, सहा महिन्याच्या गुंतवणुकीवर -4.39%, तीन महिन्याच्या गुंतवणुकीवर -6.43 तर 1 महिन्याच्या गुंतवणुकीवर -7.29% इतका परतावा दिला आहे.
