VMM Infra Share Price:- आज 29 ऑगस्ट 2025 ला शेअर मार्केट ट्रेडिंगमध्ये तेजी पाहायला मिळत असून मार्केट सध्या वधारल्याचे दिसून येत आहे. या तेजीच्या वातावरणात महत्त्वाच्या निर्देशांकांनी देखील उसळी घेतल्याचे पाहायला मिळत आहे.बीएसई सेन्सेक्स या निर्देशांकामध्ये 224.27 अंकांची वाढ झाल्याचे दिसून येत असून या वाढीसह सेन्सेक्स 80301.72 वर पोहोचला आहे. त्यासोबतच निफ्टी 50 69.55 अंकांच्या वाढीसह 24570.45 वर पोहोचला आहे. तर निफ्टी बँक या निर्देशांकामध्ये 197.10 अंकांची वाढ होऊन सध्या 53016.60 वर पोहोचला आहे. तसेच निफ्टी आयटीमध्ये मात्र 4.40 अंकांची अल्पशी घसरण दिसून येत असून सध्या 35484.35 वर पोहोचला आहे. आजच्या या तेजीत मात्र व्हीएमएम अर्थात विशाल मेगा मार्ट लिमिटेडच्या शेअरमध्ये 2.59 अंकांची घसरण झाली असून सध्या 148 रुपयांवर ट्रेड करत आहे.
विशाल मेगा मार्ट शेअरची आजची स्थिती
आज जेव्हा मार्केटची ओपनिंग झाली तेव्हा विशाल मेगा मार्ट शेअरची किंमत 151 रुपये होती व त्यामध्ये घसरण होत सध्या हा शेअर्स 148 रुपयांवर व्यवहार करत आहे. तसेच आतापर्यंतची आजची या शेअरची उच्चांकी पातळी 152.20 रुपये इतकी राहिली तर नीचांकी पातळी 147.60 रुपये इतकी राहिली आहे. तसेच 52 आठवड्यांची कामगिरी बघितली तर 52 आठवड्यातील उच्चांकी पातळी 157.60 रुपये तर नीचांकी पातळी 95.99 रुपये इतकी राहिली आहे.
विशाल मेगा मार्ट शेअर्सने गुंतवणूकदारांना दिलेला परतावा
आतापर्यंत विशाल मेगा मार्ट शेअरने गुंतवणूकदारांना दिलेला परतावा बघितला तर एक वर्ष कालावधीकरिता केलेल्या गुंतवणुकीवर गुंतवणूकदारांना +92.31%, सहा महिन्याच्या गुंतवणुकीवर +50.24%, तीन महिन्याच्या गुंतवणुकीवर +19.86 % आणि एक महिन्याच्या गुंतवणुकीवर +12.99% इतका परतावा दिलेला आहे.
