Apollo Micro System Share Price:- 2 सप्टेंबर 2025 वार मंगळवारी शेअर मार्केटची सुरुवात अतिशय सकारात्मक झालेली होती. परंतु साधारणपणे दुपारच्या सत्रात मात्र त्यामध्ये घसरण दिसून येत असून आता सगळ्याच निर्देशांकांमध्ये मोठ्या प्रमाणावर घसरण झाली आहे. सध्याचा मार्केट ट्रेंड बघितला तर बीएसई सेन्सेक्समध्ये 200.31 अंकांची घसरण दिसून येत असून 80164.18 रुपयांवर व्यवहार करत आहे. इतकेच नाहीतर निफ्टी 50 या सेन्सेक्समध्ये सध्या 49.95 अंकांची घसरण झाली असून या घसरणीसह 24578.05 वर पोहोचला आहे. तसेच महत्त्वाचे असलेले निफ्टी बँक या निर्देशांकात मात्र 331.35 अंकांची मोठी घसरण दिसून येत असून या घसरणीसह सध्या 53671.10 वर पोहोचला आहे. त्यासोबतच निफ्टी आयटीमध्ये मात्र 15.15 अंकांची नाममात्र वाढ दिसून येत असून सध्या 35755.80 वर व्यवहार करत आहे.या घसरणीमध्ये मात्र अपोलो मायक्रो सिस्टम या संरक्षण क्षेत्रातील कंपनीच्या शेअरमध्ये मात्र 21.60 अंकांची मोठी वाढ झाली असून सध्या हा शेअर 288.75 रुपयांवर ट्रेड करत आहे.
अपोलो मायक्रो सिस्टम शेअरचा परफॉर्मन्स
2 सप्टेंबर 2025 रोजी अपोलो मायक्रो सिस्टमचा शेअर हा साधारणपणे 268 रुपये किमतीवर ओपन झाला व त्यासोबतच आज या शेअरची आतापर्यंतची उच्चांकी किंमत 298.50 रुपये राहिली असून नीचांकी किंमत 265.25 आहे. तसेच 52 आठवड्याची कमाल किंमत ही 298.50 रुपये तर किमान किंमत 87.99 इतकी राहिली आहे.
अपोलो मायक्रो सिस्टम शेअरने गुंतवणूकदारांना दिलेला परतावा
या शेअरने आतापर्यंत गुंतवणूकदारांना दिलेला परतावा बघितला तर एक वर्ष कालावधीच्या गुंतवणुकीवर +175.17%, सहा आणि तीन महिन्याच्या गुंतवणुकीवर अनुक्रमे +155.19% आणि +52.21% व एक महिन्याच्या गुंतवणुकीवर +69.21% इतका परतावा दिला आहे.
