Numerology 2024:- व्यक्तीच्या जीवनामध्ये ज्याप्रमाणे ज्योतिषशास्त्राला महत्त्व आहे तितकेच महत्त्व हे अंक शास्त्राला म्हणजेच अंक फळाला देखील आहे. जर आपण 2024 या वर्षाचा विचार केला तर ज्योतिष शास्त्रानुसार अनेक ग्रह हे राशी परिवर्तन करत असतात
व या राशी परिवर्तनामुळे या 2024 या वर्षाच्या सुरुवातीला अनेक शुभ असे योग तयार झाले आहेत व त्यांचा खूप चांगला फायदा हा काही राशींना होणार आहे.त्याचप्रमाणे आपण अंकशास्त्राचा विचार केला तर 2024 हे वर्ष अंकासाठी किंवा कोणत्या मुलांकाकरिता कसे जाणार आहे?
हे देखील माहित असणे तेवढेच गरजेचे आहे. म्हणून आपण या लेखामध्ये तीन मुलांक असलेल्या व्यक्तींसाठी 2024 वर्ष कसे जाईल? याबद्दलची माहिती घेणार आहोत.
तीन अंक असलेल्या व्यक्तींसाठी 2024 वर्ष कसे जाईल?
तीन या संख्येचा स्वामी गुरु ग्रह असून गुरुमुळे हे वर्ष तीन अंक म्हणजेच मुलांक असलेल्या व्यक्तींसाठी फायदेशीर ठरणार आहे. 2024 या वर्षात तीन मुलांक असलेल्या व्यक्तींसाठी नीचभंग राजयोग तयार होत असल्यामुळे तुमचे नशीब तुमच्या बाजूने असेल. तसेच संगीतकार व गायक आणि राजकारणाशी संबंधित व्यक्ती आणि कुकिंग ऑइलशी संबंधित व्यक्तींसाठी हे वर्ष खूप भाग्याचे ठरणार आहे.
गुरु ग्रहाला प्रसन्न करण्याकरिता या व्यक्तींनी ओम गुरुवे नमः या मंत्राचा जप करावा व घरातील वडीलधाऱ्यांच्या तब्येतीची काळजी घेणे गरजेचे आहे. तसेच ज्या व्यक्तींना लग्न करायचे असेल तर या वर्षी लग्न करू शकतात. तीन मुलांक असलेल्या मुलांना विदेशातून लाभ मिळू शकतो तसेच घरात आनंदाचे वातावरण राहील.
नात्यामध्ये काही ताणतणाव असतील तर ते यावर्षी दूर होऊ शकतील व नातेसंबंधात सुधारणा होईल. म्हणजेच एकंदरीत आरोग्य व पैसा तसेच नातेसंबंध व नोकरी या सर्व बाबतींमध्ये तीन मुलांक असलेले व्यक्तींसाठी हे वर्ष फायद्याचे आहे.
मुलांक कसा जाणून घ्यावा?
जर तुम्हाला देखील तुमचा मूळांक जाणून घ्यायचा असेल तर त्याकरिता तुम्हाला तुमची जन्मतारीख ही सिंगल डिजिट म्हणजेच एकेरी अक्षरांमध्ये काढणे गरजेचे आहे. समजा तुमची जन्मतारीख जर 12 असेल तर तुमचा मूलांक 1+2=3 आणि तुमची जन्मतारीख जर 29 असेल तर तुमचा मुलांक 2+9=11 इतका येतो.
परंतु दोन अंकामध्ये जर उत्तर आले तर त्या दोन अंकांची पुन्हा बेरीज करणे गरजेचे असते. म्हणजे 1+1=2 म्हणजेच 29 जन्मतारीख असलेल्या व्यक्तींचा मुलांक हा दोन असतो. अशा पद्धतीने तुम्ही तुमच्या जन्मतारखेवरून तुमचा मुलांक काढू शकता.
