अहमदनगर Live24 टीम, 16 फेब्रुवारी 2022 :- आधीच कर्जाच्या ओझ्याखाली दबलेल्या पाकिस्तानातील जनतेला महागाईचा आणखी एक झटका बसला आहे. पाकिस्तान सरकारने आता पेट्रोलियम पदार्थांचे दर प्रति लिटर 10 ते 12 रुपयांनी वाढवले आहेत.
यामुळे पाकिस्तानात महागाई दिवसेंदिवस नवनवे विक्रम करत आहे. पेट्रोलच्या दरात प्रति लिटर 12.03 रुपयांची वाढ जाहीर करण्यात आली आहे.
याशिवाय हायस्पीड डिझेलच्या दरात प्रतिलिटर 9.53 रुपयांनी वाढ करण्यात आली आहे. पाकिस्तानच्या अर्थ मंत्रालयाने याबाबत अधिसूचना जारी केली आहे.
पेट्रोल आणि डिझेलच्या दरात वाढ झाल्यानंतर पाकिस्तानमध्ये पेट्रोलचा दर 147.82 रुपयांवरून 159.86 रुपये प्रति लिटर झाला आहे. याचप्रमाणे हायस्पीड डिझेलचा दर 144.62 रुपयांवरून 154.15 रुपये प्रति लिटर झाला आहे.
लाइट डिझेल तेलाचे दर प्रतिलिटर 114.54 रुपयांवरून 123.97 रुपये झाले आहेत. रॉकेलचा दर प्रतिलिटर 116.48 रुपयांवरून 126.56 रुपयांवर पोहोचला आहे. पाकिस्तानमधील पेट्रोलियम उत्पादनांचे नवीनतम दर 16 फेब्रुवारी मध्यरात्री ते 28 फेब्रुवारी 2022 पर्यंत लागू होतील.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
