SBI New Service : देशातील स्टेट बँक ऑफ इंडिया ही सगळ्यात मोठी बँक आहे. आता एसबीआयच्या खातेधारकांना घरबसल्या गृहकर्जाचे व्याज प्रमाणपत्र मिळवता येईल.
त्यासाठी आता खातेधारकांना एसबीआय शाखेत जाण्याची गरज नाही. या बँकेच्या ग्राहकांची संख्या मोठ्या प्रमाणात आहे. तसेच ही बँक सतत आपल्या ग्राहकांसाठी नवनवीन सुविधा सुरु करत असते.
गृह कर्ज प्रमाणपत्र हे तुमच्या बँकने तुम्हाला पाठवलेले तुमच्या गृह कर्ज खात्याचे विवरण असते. जे गृहकर्जाच्या परतफेडीचे तपशीलवार दस्तऐवज असते. ज्यामध्ये निर्दिष्ट आर्थिक वर्षासाठी तुमच्या गृहकर्जावर भरलेल्या व्याज आणि मूळ रकमेचा सारांश असतो. त्या वर्षासाठी देय रक्कम दर्शविणारे तात्पुरते व्याज प्रमाणपत्र अनेकदा आर्थिक वर्षाच्या सुरुवातीला प्राप्त करण्यायोग्य असते.
असे करा डाउनलोड
- जर तुम्हाला हे प्रमाणपत्र डाउनलोड करायचे असेल तर http://www.onlinesbi.com/personal वर पाहू/डाउनलोड करू शकतात.
- तसेच तुमच्या क्रेडेन्शियलसह इंटरनेट बँकिंग साइटच्या वैयक्तिक बँकिंग विभागात फक्त लॉग इन करून ‘Enquiries’ टॅब अंतर्गत ‘Home Loan Int.Cert (Prov)’ लिंक निवडा.
- त्यानंतर तुम्हाला ज्या खात्यासाठी गृह कर्ज व्याज प्रमाणपत्र आवश्यक आहे ते निवडा. हे प्रमाणपत्र ऑनलाइन पाहिले, मुद्रित किंवा PDF मध्ये डाउनलोड केले जाईल.
