Monkeypox : संपूर्ण जगभरात कोरोनानंतर (Corona) मंकीपॉक्स या नवीन आजाराने (Monkeypox Virus) दहशत निर्माण केली आहे. त्यामुळे जगभरात सतर्कतेचा इशारा दिला आहे.
यूएस बॉडी फॉर डिसीज कंट्रोलने (CDC) आता संगणकाच्या माऊसद्वारेही मंकीपॉक्सचा संसर्ग होऊ शकतो, असा दावा (CDC Claim) केला आहे. त्यामुळे एकच खळबळ उडाली आहे.
सीडीसीने ब्लूमबर्गच्या अहवालात म्हटले आहे की दोन मंकीपॉक्स रुग्णांनी (Monkeypox patients) विविध वस्तूंच्या पृष्ठभागाचे निर्जंतुकीकरण केल्याचा दावा केला आणि संसर्ग झाल्यानंतर अनेक वेळा त्यांचे हात धुतले.
परंतु संशोधनात असे आढळून आले की, “लक्षणे दर्शविल्यानंतर 20 दिवसांपर्यंत त्यांच्या उच्च-संपर्क पृष्ठभागांवर, जसे की ब्लँकेट, कॉफी मशीन (Coffee machine), संगणक माउस आणि लाईट स्विचेस 70 टक्के व्हायरस आढळले.”
तथापि, सीडीसीने स्पष्ट केले की यापैकी कोणत्याही वस्तू किंवा पृष्ठभागावर “कोणताही जिवंत व्हायरस” आढळला नाही. हे सर्व विषाणू मृत अवस्थेत होते. अभ्यासानुसार, पृष्ठभाग आणि वस्तूंचे निर्जंतुकीकरण केल्याने घरात संसर्ग होण्याचा धोका कमी होतो.
एका दृष्टीक्षेपात मंकीपॉक्सची लक्षणे
मंकीपॉक्सच्या रूग्णांमध्ये ताप, अंगदुखी, थंडी वाजून येणे, थकवा आणि मुरुम ही काही सामान्य लक्षणे आहेत. मंकीपॉक्स विषाणू त्वचेपासून त्वचेच्या दीर्घकाळ संपर्काद्वारे पसरतो.
ज्यामध्ये मिठी मारणे तसेच बिछाना, टॉवेल आणि कपडे सामायिक करणे समाविष्ट आहे. परंतु आरोग्य अधिकाऱ्यांचे म्हणणे आहे की हा विषाणू (Virus) कोणालाही संक्रमित करू शकतो.
मंकीपॉक्स पाळीव कुत्र्यांमध्ये पसरू शकतो
एका वेबसाईटने याबाबत माहिती दिली की आरोग्य अधिकार्‍यांनी मंकीपॉक्सची लागण झालेल्या लोकांना घरातील पाळीव प्राण्यांपासून दूर राहण्याची चेतावणी दिली, कारण प्राण्यांना विषाणूचा संसर्ग होण्याचा धोका असू शकतो.
