Steel Rate Today : छोटेसे का होईना घर (Home) असण्याचे प्रत्येकाचे स्वप्न असते. मात्र घराच्या साहित्याच्या किंमती वाढल्यामुळे अनेकांना घर बांधणे कठीण झाले होते. वाढत्या महागाईने सर्वसामान्यांचे कंबरडे मोडले आहे. मात्र घर बांधणाऱ्यांसाठी आनांदाची बातमी आहे. स्टील (Steel) आणि सिमेंटचे (Cement) दर घटले आहेत.
घर बांधण्यासाठी लोक वर्षानुवर्षे पैसे जोडत राहतात. महागाईने अशा लोकांच्या स्वप्नांना झटका दिला. जर तुम्ही नुकतेच घर बांधण्याचा विचार करत असाल तर ही बातमी तुमच्यासाठी खूप महत्त्वाची आहे.
गेल्या दीड महिन्यात देशातील विविध शहरांमध्ये लोखंडी पट्टीचे दर प्रतिटन 6,500 रुपयांनी महागले आहेत. याचे मुख्य कारण म्हणजे मान्सूनचे आगमन आणि दर कमी झाल्यावर मागणी वाढणे.
या वर्षी मार्च-एप्रिल महिन्यात बांधकाम साहित्याच्या किमतींनी आतापर्यंतचा उच्चांक गाठला होता. यानंतर स्टील, सिमेंट या साहित्याच्या किमती झपाट्याने नरमल्या. विशेषत: स्टिलचे दर जूनच्या पहिल्या आठवड्यापर्यंत सातत्याने कमी होत गेले.
स्टीलच्या किमती जवळपास निम्म्या झाल्या होत्या. मात्र, जून महिन्यात मान्सूनचे आगमन होताच त्यांचे भाव पुन्हा झपाट्याने वाढू लागले. या दरम्यान, स्टिलचे दर जवळपास प्रत्येक आठवड्यात सुमारे 1000 रुपयांनी वाढले आहेत.
जूनच्या पहिल्या आठवड्यानंतर सतत चढ-उतार
मार्च महिन्यात काही ठिकाणी बारचे भाव 85 हजार रुपये प्रति टनापर्यंत पोहोचले होते. सध्या ते शहरानुसार 51,500 रुपये ते 61,800 रुपये प्रति टन किंमतीच्या श्रेणीत उपलब्ध आहे.
जूनच्या पहिल्या आठवड्यात अनेक ठिकाणी तो 44 हजार रुपये प्रति टनपर्यंत खाली आला होता. या महिन्याच्या सुरुवातीला ब्रँडेड बारची किंमत 80-85 हजार रुपये प्रति टनपर्यंत खाली आली, जी मार्च 2022 मध्ये 01 लाख रुपये प्रति टनपर्यंत पोहोचली. सध्या तो पुन्हा लाखाचा टप्पा गाठण्यासाठी हतबल आहे.
तुमच्या शहरातील स्टीलची नवीनतम किंमत जाणून घ्या
भारतातील प्रमुख शहरांमधील बारचे दर वेगवेगळ्या प्रमाणात वाढले आहेत. Ironmart वेबसाइट बारच्या किमतीच्या हालचालींवर लक्ष ठेवते आणि त्यानुसार किमती अपडेट करते.
देशातील प्रमुख शहरांबद्दल बोलायचे झाले तर मुंबईत सर्वात कमी बारचे दर वाढले आहेत. मुंबईत गेल्या दीड महिन्यात बारच्या दरात प्रतिटन केवळ 500 रुपयांनी वाढ झाली आहे.
दुसरीकडे, इतर शहरांमध्ये तो 2,500 रुपयांवरून 6,500 रुपये प्रति टन झाला आहे. सध्या, देशातील सर्वात स्वस्त बार पश्चिम बंगालमधील दुर्गापूरमध्ये मिळत आहे,
जिथे त्याचा नवीनतम दर 51,500 रुपये प्रति टन आहे. दुसरीकडे, त्याचा दर उत्तर प्रदेशातील कानपूरमध्ये सर्वाधिक आहे. कानपूरमध्ये सध्या 61,800 रुपये प्रति टन या दराने बार उपलब्ध आहेत.
