Trending News Today : अनेक वेळा तुम्हाला रस्त्याने (Road) जात असताना ट्रॅफिक पोलिसांनी (Traffic police) अडवले असेल तसेच तुमच्याकडून दंडही घेतला असेल. पण तो दंड (Penalty) चूक आहे किंवा तुम्ही कोणता तरी नियम मोडला आहे म्हणून घेतला असेल. मात्र इकडे भलतेच घडले आहे.
पोलीस अनेक वेळा अशा गोष्टी करतात ज्याने आपल्याला हसायला येते. असाच एक प्रकार आजही घडला आहे, जो सोशल मीडियावर (Social Media) चांगलाच व्हायरल (Viral) होत आहे. हेल्मेट न घातल्याबद्दल केरळ वाहतूक पोलिसांनी कार मालकाला ५०० रुपयांचा दंड ठोठावला आहे.
होय, तुम्ही बरोबर वाचत आहात. याआधीही वाहतूक पोलिसांकडून अशी चूक झाली आहे. हे प्रकरण केरळमधील तिरुअंतपुरममधील आहे. अजितचा दोष म्हणजे त्याने गाडी चालवताना हेल्मेट (Helmet) घातले नव्हते. ही बातमी सोशल मीडियावर व्हायरल होत आहे.
पीटीआयनुसार, २६ एप्रिल रोजी केरळमधील तिरुअंथापुरममध्ये ट्रॅफिक पोलिसांनी अजित नावाच्या व्यक्तीचे चलन कापले. अजितने हेल्मेट घातले नसल्यामुळे पोलिसांनी 500 रुपयांचे चलन कापले. बाईक चालवताना हेल्मेट न घातल्याने असा दंड आकारला जातो असे सहसा घडते.
अजितकडे मारुती अल्टो कार आहे. या गाडीतून तो कुठेतरी प्रवास करत होता. वाहतूक पोलिसांच्या हलगर्जीपणामुळे हा प्रकार घडला. वास्तविक, ज्या वाहनाचे चलन कापले जाते ते दुचाकीच्या नोंदणी क्रमांकावरून सापडते.
त्यामुळे पोलिसांनी गोंधळ घातला आणि चालान कापले. आता याबाबत मोटार वाहन विभागाकडे तक्रार करणार असल्याचे अजितने ठरवले आहे.
