Rajya Sabha Election 2022 : राज्यसभा निवडणुकीच्या मतदानाला आज सकाळी मुंबईत सुरवात झाली. राष्ट्रवादीचे राज्यमंत्री दत्ता भरणेंनी पहिलं मत टाकलं. त्यानंतर मंत्री छगन भुजबळ आणि हसन मुश्रीफ यांनी मतदान केलं.
आतापर्यंत राष्ट्रवादी काँग्रेसच्या २५ हून अधिक आमदारांनी मतदान केलं आहे. राष्ट्रवादी काँग्रेसचे आमदार अण्णा बनसोडे नॉट रिचेबल आहेत. ते मतदानाला येण्याबाबत संभ्रम निर्माण झाला आहे.
शिवसेनेचे आमदार अद्याप ट्रायडंट हॉटेलमध्येच आहेत. थोड्याचवेळात मतदानासाठी विधानभवनाच्या दिशेने रवाना होणार आहेत. राष्ट्रवादीचे मकदान करून झाल्यावर ते मतदान करणार आहेत. भाजप आणि काँग्रेसचे आमदार विधानभवनात दाखल झाले असून त्यांचेही मतदान सुरू होत आहे. आज संध्याकाळी ७ वाजेपर्यंत निकाल जाहीर होण्याची शक्यता आहे.
