flipkart personal loan : सध्या असे बरेच ऑनलाईन अ‍ॅप आहेत, जे ग्राहकांना कर्ज पुरवतात, पर्सनल लोनसाठी आता ग्राहकांना बँकामध्ये जाण्याची गरज नाही. गुगल पे नंतर आता देशातील सर्वात मोठे शॉपिंग अ‍ॅप फ्लिपकार्ट देखील ग्राहकांना कर्ज पुरवत आहे. फ्लिपकार्ट तुम्हाला घरी बसल्या 10 लाख रुपयांपर्यंतचे कर्ज ऑफर करत आहे. तसेच कर्जासाठी तुम्हाला कोणत्याही कागदपत्रांची नाही. तुमच्या माहितीसाठी, फ्लिपकार्टने गेल्या काही काळापासून वैयक्तिक कर्ज ऑफर केले आहे. हे कर्ज अ‍ॅक्सिसच्या भागीदारीत दिले जात आहे.
तुम्हाला फ्लिपकार्टद्वारे वैयक्तिक कर्ज सहज मिळेल तसेच ही रक्कम थेट तुमच्या बचत खात्यात हस्तांतरित केली जाईल. हे वैयक्तिक कर्ज लग्न, शिक्षण, घराचे नूतनीकरण, प्रवास, वैद्यकीय आणि तुमच्या दैनंदिन जीवनातील कोणत्याही गरजेसाठी वापरले जाऊ शकते. वैयक्तिक कर्ज घेण्यासाठी, तुम्हाला फ्लिपकार्ट अ‍ॅपमधील तुमच्या खात्यावर जावे लागेल. येथे तुम्हाला वैयक्तिक कर्जाचा पर्याय मिळेल. हा पर्याय दिसत नसल्यास, कृपया अ‍ॅप अपडेट करा.
वैयक्तिक कर्ज घेण्यासाठी फॉलो करा ‘या’ स्टेप्स
-फ्लिपकार्ट पूर्णपणे डिजिटल पद्धतीने ग्राहकांना वैयक्तिक कर्ज देते.
-यासाठी तुम्हाला फक्त पॅन आणि जन्मतारीख टाकावी लागेल.
-स्वयं परतफेड सेट करावी लागेल. यासाठी खाते क्रमांक, नेट बँकिंग किंवा डेबिट कार्ड यासारखे तपशील हातात ठेवा.
-त्यानंतर केवायसी सेटअप करावे लागेल. यासाठी आधार क्रमांक आणि पॅन कार्ड आवश्यक असेल.
-यानंतर तुमचे काम पूर्ण होईल. तुमचे कर्ज मंजूर झाल्यास, केवायसी प्रक्रिया पूर्ण झाल्यानंतर ते तुमच्या खात्यात जमा केले जाईल.
वैयक्तिक कर्जासाठी EMI कशी मोजली जाईल?
साइटवर फ्लिपकार्टने दिलेल्या माहितीनुसार, कर्ज प्रक्रियेदरम्यान मंजुरीची रक्कम, व्याजदर, कर्जाचा कालावधी आणि EMI रक्कम प्रदर्शित केली जाईल.
वैयक्तिक कर्जासाठी किमान आणि कमाल किती रक्कम आहे?
वैयक्तिक कर्जाची रक्कम 50,000 ते 10,00,000 रुपये ठेवण्यात आली आहे. तथापि, कर्जाची रक्कम ठरवताना अनेक गोष्टी विचारात घेतल्या जातील. तुमची गरज आणि पात्रता काय आहे. तुमचे उत्पन्न किती आहे? तसेच तुमची परतफेड करण्याची क्षमता काय आहे.
वैयक्तिक कर्ज क्रेडिट मिळविण्यासाठी किती वेळ लागेल?
यशस्वी KYC केल्यानंतर, कर्ज तुमच्या बँक खात्यात 12तासांच्या आत जमा केले जाईल.
