नाशिक: मयत झालेल्या बहिणीच्या मृतदेहाजवळ मोठी बहीण तब्बल दहा दिवसांपासून बसून राहिल्याची धक्कादायक घटना भगूर येथील विजयनगर परिसरात घडली. परिसरात दुर्गंधी सुटल्याने हा प्रकार उघडकीस आला. या दोन्ही बहिणी मनोरुग्ण असल्याचे बोलले जात आहे.
कविता दिगंबर बागूल (वय ४२, रा. पंचमोती सोसायटी, विजयनगर) असे मृत महिलेचे नाव आहे. गुरुवारी (दि.३१) स्थानिक नागरिकांना घरातून दुर्गंधी येत असल्याने महिलांचे नातेवाईक रवींद्र रमेश खरोटे यांना कळविले. खरोटे यांनी घरात जाऊन पाहिले असता कविता बागूल या मृत झाल्याचे निदर्शनास आले, तर मीना दिगंबर बागूल (वय ४४) ही मृत बहिणीच्या मृतदेहाकडे एकटक पहात असल्याचे दिसून आले.
पोलिसांनी दिलेल्या माहितीनुसार, विजयनगर येथील पंचमोती सोसायटीत या दोन्ही बहिणी राहात होत्या. यापैकी कविता बागूल अविवाहित, तर मीना बागूल विवाहित होत्या. कविता हिचा अंदाजे दहा ते अकरा दिवसांपूर्वी मृत्यू झाला असावा. मृत्यू झाल्यानंतर दुसरी बहीण गुरुवारपर्यंत शेजारीच बसलेली होती. घरातून दुर्गंधी सुटल्याने ही घटना उघडकीस आली.
- Tractor Licence: ट्रॅक्टर चालवायला लायसन्स लागते का? जाणून घ्या कायदेशीर नियम!
- Pune Ring Road: पुणेकरांसाठी खुशखबर! 42711 कोटीचा रिंग रोड प्रकल्प ‘या’ वर्षापर्यंत पूर्ण होणार?
- मोठी बातमी : महाराष्ट्र राज्यातील ‘या’ सरकारी कर्मचाऱ्यांना लागू होणार जुनी पेन्शन योजना ! 20 मे 2025 ला निघाला GR
- 10 वी च्या विद्यार्थ्यांसाठी आताची सर्वात महत्त्वाची बातमी, महाराष्ट्र राज्य बोर्डाकडून समोर आली मोठी अपडेट !
- मुंबई, पुणे, नागपूर नंतर महाराष्ट्रातील ‘या’ शहरात धावणार मेट्रो ! डिसेंबर महिन्यात सुरु होईल नवा मेट्रो मार्ग, कसा असणार रूट ?
