अहमदनगर Live24 टीम, 21 ऑगस्ट 2021 :- मुंबई, ठाणे, पालघर जिल्ह्यांत कालपासूनच पाऊस पडत असल्याचं दिसत आहे. काल रात्री पावसाने अधिक जोर धरला असून आता पुढील तीन ते चार तासांत मुंबईसह आसपासच्या परिसरात मध्यम ते जोरदार पावसाचा अंदाज हवामान खात्याकडून वर्तवण्यात आला आहे.
हवामान विभागाने दिलेल्या माहितीनुसार, मुंबई, ठाणे आणि आसपासच्या परिसरात रात्रभर काही प्रमाणात हलका ते जोरदार पाऊस झाला.
दरम्यान मुंबई, ठाणे, पालघर जिल्ह्यांतील काही भागांत पुढील तीन ते चार तासांत मध्यम ते जोरदार पाऊस पडण्याचा अंदाज आहे. ठाणे, कल्याण, रायगड परिसर आणि मुंबईच्या किनारपट्टीच्या भागात प्रचंड काळे ढग दिसून येत आहेत.
पुढील हवामानाचा अंदाज आणि इशारा :-
21 ऑगस्ट :-
कोकण – बहुतांश ठिकाणी पाऊस पडण्याची शक्यता
मध्य महाराष्ट्र – काही ठिकाणी पाऊस पडण्याची शक्यता
मराठवाडा – बऱ्याच ठिकाणी पाऊस पडण्याची शक्यता
विदर्भ – बऱ्याच ठिकाणी पाऊस पडण्याची शक्यता
22 ऑगस्ट :-
कोकण – बहुतांश ठिकाणी पाऊस पडण्याची शक्यता
मध्य महाराष्ट्र – काही ठिकाणी पाऊस पडण्याची शक्यता
मराठवाडा – काही ठिकाणी पाऊस पडण्याची शक्यता
विदर्भ – काही ठिकाणी पाऊस पडण्याची शक्यता
23 ऑगस्ट :-
कोकण – बहुतांश ठिकाणी पाऊस पडण्याची शक्यता
मध्य महाराष्ट्र – काही ठिकाणी पाऊस पडण्याची शक्यता
मराठवाडा – तुरळक ठिकाणी पाऊस पडण्याची शक्यता
विदर्भ – काही ठिकाणी पाऊस पडण्याची शक्यता
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
