अहमदनगर Live24 टीम, 17 सप्टेंबर 2021 :- प्रसिद्ध टेक फर्म गुगल लवकरच पुढील फ्लॅगशिप फोन Pixel 6 लाँच करणार आहे. पिक्सेल 6 चे फोटो आधीच समोर आली आहेत.
पण तुम्हाला माहिती आहे का की आता कंपनी गुगल ओरिजिनल चिप्सही विकत आहे? वास्तविक गुगलने प्रथमच स्मार्टफोन चिपसेट सादर केला आहे. त्याचे नाव टेन्सर आहे आणि आता हाच चिपसेट पिक्सेल 6 सीरीज मध्ये दिसेल.
चिप्स बद्दलचे हे काय प्रकरण आहे? :- खरं तर चिप आणि चिप्स मध्ये खूप फरक आहे, पण दोन्ही शब्द ऐकण्यात सारखेच वाटतात. याचा लाभ घेण्याची कंपनीची तयारी आहे. गुगलच्या पिक्सेल 6 सीरीज मध्ये एक नवीन चिपसेट येणार आहे आणि कंपनीला त्याच्या नवीन चिपसेटचा प्रचार करायचा आहे.
म्हणूनच पिक्सेल 6 अधिकाधिक लोकप्रिय करण्यासाठी गुगल ही युक्ती अवलंबत आहे. जपानमध्ये कंपनीने पिक्सेल 6 च्या प्रमोशनसाठी गुगल ओरिजिनल चिप्स सादर केले आहे. हे बटाटा चिप्स आहेत ज्याद्वारे कंपनीने त्याच्या टेन्सर चिपसेटवर प्रकाश टाकला आहे.
प्रचाराचे आहे ‘हे’ टेक्निक :- गुगलच्या ओरिजिनल चिप्सच्या पॅकेटला पिक्सेल 6 सीरीज सारखाच रंग ठेवण्यात आला आहे. रियर पॅनेल अगदी त्याच कलर डिझाइनमध्ये दिसेल. गुगलने पाच कलर ऑप्शनसह चिप्सचे पॅकेट तयार केले आहे. कंपनीने 10,000 चीप बॅग्स बनवल्या आहेत. हे भारतात उपलब्ध नाही कारण गूगल आपला नवीन पिक्सेल भारतात लाँच करणार नाही.
ग्राहकांपर्यंत पोहोचण्यासाठी गुगल अशा युक्त्या अवलंबत आहे :- या चिप्सच्या पॅकेटच्या तळाशी गुगल सॉल्टी फ्लेवर लिहिले आहे. गुगल पिक्सेल कमिंग सून हे सुद्धा खाली लिहिलेले आहे आणि या लाइन मधून कंपनी आपल्या फोनची जाहिरात करेल. हे लक्षात घेण्यासारखे आहे की जपानमध्ये, गुगलने लोकांना गुगलच्या चिप्सचे पॅकेट कस्टमाइज करण्याचा पर्याय देखील दिला आहे. म्हणजेच, लोक चिप्सच्या पॅकेटच्या बाजूला त्यांची नावे छापू शकतात.
Google देणार Apple ला टक्कर ?:- पिक्सेल 6 सीरीज मध्ये दिलेल्या टेंसर चिपसेटबद्दल बोलायचे झाले तर या वेळी गुगल या चिपसेटच्या माध्यमातून अॅपलशी स्पर्धा करण्याची तयारी करत आहे. याचे कारण असे की Apple आधीच त्याच्या आयफोनमध्ये स्वतःचा चिपसेट पुरवतो.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
