अहमदनगर Live24 टीम, 06 डिसेंबर 2021 :- देशात इलेक्ट्रिक वाहने मोठ्या प्रमाणात लोकप्रिय होत आहेत. भारतीय वाहन कंपन्या इलेक्ट्रिक कार आणि स्कूटर लॉन्च करत आहेत. सध्या देशात इलेक्ट्रिक वाहनांची किंमत खूप जास्त आहे. अशा परिस्थितीत मध्य प्रदेशातील सागर जिल्ह्यातील इंजिनीअरिंगचा विद्यार्थी हिमांशू भाई पटेल याने स्वस्त इलेक्ट्रिक कार बनवून चर्चेत आला आहे.(Electric Car)
हिमांशूने ही इलेक्ट्रिक कार अवघ्या 2 लाख रुपये खर्चून बनवल्याचे दैनिक भास्करच्या बातमीत म्हटले आहे. ही इलेक्ट्रिक कार एका चार्जवर 185 किमी प्रवास करते. हिमांशू सांगतात की, या कारला एकदा पूर्ण चार्ज करण्याची किंमत फक्त 30 रुपये आहे.
३ ते ४ तासात फुल चार्ज :- हिमांशू भाई पटेल यांनी त्यांच्या इलेक्ट्रिक कारबद्दल दावा केला आहे की ती धावत असतानाही चार्ज होत राहते. हिमांशूने गांधीनगरमधील एका खासगी महाविद्यालयातून अभियांत्रिकीचे शिक्षण घेत आहे. हिमांशूची इलेक्ट्रिक कार रिमोटने सुरू होते.
यासोबतच, त्यात दिलेल्या इन्स्ट्रुमेंट क्लस्टरमधील स्पीड तसेच बॅटरीची स्थिती देखील सांगते. या कारमध्ये फास्ट चार्जही दिला जातो. ही कार पूर्णपणे चार्ज होण्यासाठी सुमारे 180 ते 240 मिनिटे लागतात.
या कारचा टॉप स्पीड 50 किमी प्रतितास आहे. यासोबतच रिव्हर्स टर्नही देण्यात आला आहे. या कारमध्ये सुरक्षा अलार्म देखील आहे. या इलेक्ट्रिक कारमध्ये एमसीबी बॉक्सही बसवण्यात आला असून, तो कोणत्याही प्रकारच्या फ़ॉल्ट वर ट्रिप करेल.
हिमांशूच्या इलेक्ट्रिक कारच्या डिझाईनबद्दल बोलायचे झाले तर ते रेट्रो डिझाइनसह येते. या कारमधील फ्रंट विंडशील्ड फोल्डिंग डिझाइनसह येते. यासोबतच सीटमध्ये 12V बॅटरीच्या चार बॅटरी बसवण्यात आल्या आहेत. यासोबतच मागच्या सीटवर रिव्हर्स फेन्सिंग आहे. यासोबतच या कारच्या बोनसच्या खाली स्टेपनी देण्यात आली आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
