अहमदनगर Live24 टीम, 28 डिसेंबर 2021 :- संगमनेर शहरातील कोल्हेवाडी रोडवर वाळू वाहतूक करणाऱ्या ट्रॅक्टरने दुचाकीला धडक दिल्याने ट्रॅक्टरच्या चाकाखाली येऊन अाडीच वर्षे वयाचा मोहम्मद इब्राहिम शेख हा जागीच ठार झाला.(Ahmednagar Breaking)
तर त्याचा भाऊ अबुहुरेरा इब्राहिम शेख (वय ७) हा गंभीर जखमी झाला. रविवारी रात्री ७.३० वाजता ही घटना घडली. जखमी बालकावर खासगी रुग्णालयात उपचार सुरू आहे.
इब्राहिम शेख दूध आणण्यासाठी दोघा मुलांना दुचाकीवरून घेऊन चालले होते. अपघात होताच ट्रॅक्टर चालक पसार झाला. आक्रमक झालेल्या नागरिकांनी पोलिस ठाण्यात गर्दी केली.
या घटनेने वातावरण तणावपूर्ण होते. पोलिस निरीक्षक मुकुंद देशमुख यांनी नागरिकांना शांत केले. पोलिसांनी विनानंबरचा ट्रॅक्टर ताब्यात घेत चालकावर गुन्हा दाखल केला आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
