अहमदनगर Live24 टीम, 02 मार्च 2022 :- लग्न मोडून पतीपासून विभक्त झाल्यानंतर एक महिला पूर्णपणे मानसिकरीत्या खचली होती . यादरम्यान तिच्या आवडत्या कुत्र्याचाही मृत्यू झाला. या घटनांनी तिला हादरवून सोडले.
सुमारे तीन आठवडे ती अंथरुणावरुन उठली नाही. पण त्यानंतर तिने स्वतःच्या क्षमता ओळखायला सुरुवात केली आणि स्वत डिजिटल आर्टिस्ट म्हणून काम सुरु केल आणि आता ती महिला घरात बसून तिच्या बेडरूममधून दरमहा ४० लाख रुपये कमवत आहे. कसे? याबाबत महिलेने स्वतः सांगितले आहे.
खरं तर, ही कथा आहे डिजिटल आर्टिस्ट मायकेला मॉर्गनची, जी यूकेच्या वेल्सची रहिवासी आहे. nypost.com च्या रिपोर्टनुसार, लग्न मोडल्यानंतर आणि डॉगीच्या मृत्यूनंतर मॉर्गन खूप अस्वस्थ झाली. एका क्षणी तिला अंथरुणातून उठताही येत नव्हते. तिने घरातून बाहेर पडणे आणि लोकांना भेटणेही बंद केले होते.
पण नंतर मॉर्गनने बिझनेस, सेल्फ हेल्प आणि डिजिटल आर्टबद्दल वाचायला सुरुवात केली. या गोष्टींची त्यांना लहानपणापासूनच आवड होती. या वेळी मॉर्गनने संगणकाद्वारे कलाकृती जिवंत करण्याची आकर्षक प्रक्रिया शोधून काढली.
‘वेल्स ऑनलाइन’शी बोलताना मायकेला मॉर्गन म्हणाली होती- ‘गेल्या वर्षी (2019) तिच्या पतीपासून वेगळे झाले. त्यानंतर दोन आठवड्यांत कर्करोगाशी लढा देत असलेल्या माझ्या कुत्र्याचाही मृत्यू झाला. या घटनांनी मला हादरवून सोडले.
मॉर्गन म्हणते – ‘यानंतर मी तीन आठवडे अंथरुणावर घालवले. तो एक भयंकर काळ होता पण मला असे काहीतरी करायचे होते ज्यामुळे मला दररोज अभिमान वाटेल.
असा व्यवसाय सुरू केला
लहानपणापासूनच चित्रकलेची आवड असलेल्या मायकेला मॉर्गनने सांगितले की, यानंतर मी शक्य तितके चित्रकला करू लागले. पण एका क्षणी मला जाणवले की माझे काम छापणे खरोखर कठीण आहे.
मॉर्गन म्हणतात की व्यवसाय म्हणून काम सुरू करण्यासाठी प्रारंभिक खर्च आयपॅड प्रो सारख्या उपकरणासाठी “काही हजार पौंड” होता. मी डिजिटल आर्टबद्दल वाचले होते.
कोटींची कमाई
मिशेला मॉर्गनच्या मते- “प्रामाणिकपणे सांगायचे तर, मी आतापर्यंत केलेल्या सर्वात भयानक गोष्टींपैकी ती एक होती, परंतु कधीकधी तुम्हाला स्वतःवर विश्वास ठेवावा लागतो.”
कोरोनामुळे लागू करण्यात आलेल्या लॉकडाऊन दरम्यान, मॉर्गनने स्वतःच्या बेडरूममध्ये आपला व्यवसाय सुरू केला आणि डिजिटल कलाकार म्हणून काम करण्यास सुरुवात केली.
गेल्या वर्षी एप्रिलच्या शेवटी आणि जुलैच्या अखेरीदरम्यान, मॉर्गनने त्याच्या कामाद्वारे (mimo arts) एक कोटीहून अधिक किमतीची पेंटिंग विकली, जी तिने तिच्या बेडरूममध्ये बसून तयार केली.
डिजिटल आर्टिस्ट म्हणून ती आता दरमहा 38 लाख रुपयांपर्यंत कमावते आहे. ती अनेक नामांकित ब्रँडसोबत काम करत आहे.
मायकेला मॉर्गन म्हणाली की, गेल्या वर्षीपर्यंत मला डिजिटल आर्टबद्दल फारशी माहिती नव्हती. पण आता मी मागे वळून पाहिले तर मला वाटते की मी 10 वर्षांपूर्वी ते सुरू करू शकले असते.
सध्या, मॉर्गन तिच्या कलेतील आकर्षक यशाचा आनंद घेत आहे. मात्र, तरीही तिला खूप मेहनतीची गरज असल्याचे ती सांगते.
