Health Marathi News : आजकालची तरुण पिढी (younger generation) चुकीच्या खाण्याच्या सवयींना बळी पडत आहे. त्यामुळे अनेक समस्यांना आणि आजारांना (disease) तोंड द्यावे लागत आहे. यातील काही समस्या अशा असतात की त्या मोठ्या आजारांना आमंत्रण देत असतात.
एक गंभीर आजारापैकी एक म्हणजे फुफ्फुसाचा कर्करोग (Lung cancer). फुफ्फुसाचा कर्करोग हा एक इतका मोठा आजार आहे जो माणसाला हळूहळू आपल्या कवेत घेतो. सुरुवातीला या आजाराचे निदान करणे खूप अवघड असते.
नंतर ते इतकं वाढतं की थांबवणं खूप अवघड होऊन जातं. धूम्रपान (Smoking) करणाऱ्या लोकांमध्ये या रोगाचा धोका जास्त असतो. परंतु गुटखा, तंबाखू इत्यादी इतर मादक पदार्थांचे सेवन केल्याने देखील हे होऊ शकते.
याशिवाय, एखाद्या व्यक्तीने धूम्रपान सोडले तरी सुद्धा फुफ्फुसाचा कर्करोग होण्याची शक्यता असते. हवा प्रदूषणामुळेही फुफ्फुसाचा कर्करोग होऊ शकतो. फुफ्फुसाच्या कर्करोगाचे प्रमुख लक्षण म्हणजे सततचा खोकला.
पण हे लक्षण कोरोना (Corona)रुग्णांमध्येही दिसून येत आहे. अशा स्थितीत अनेकांना सतत खोकला येत असतो. अशा परिस्थितीत, जर तुम्हाला 3 आठवड्यांपेक्षा जास्त काळ सतत खोकला येत असेल, तर तुम्ही त्याकडे दुर्लक्ष करू नका आणि डॉक्टरकडे जा.
फुफ्फुसाच्या कर्करोगाच्या या लक्षणांकडे चुकूनही दुर्लक्ष करू नका
खोकताना रक्त येणे – जर तुमचा खोकला ३ आठवड्यांपेक्षा जास्त काळ टिकला असेल आणि खोकताना श्लेष्मासोबत रक्त येत असेल तर ते फुफ्फुसाच्या कर्करोगाचे कारण असू शकते. अशा परिस्थितीत लवकरात लवकर डॉक्टरांकडे जावे.
धाप लागणे – जर तुम्हाला श्वासोच्छवासासह घरघर वाटत असेल तर ते फुफ्फुसाच्या कर्करोगाचे लक्षण असू शकते. फुफ्फुसाच्या कर्करोगामुळे फुफ्फुसांना जळजळ होते. फुफ्फुसाच्या कर्करोगामुळे फुफ्फुसांना सूज येते, ज्यामुळे घसा बंद होतो आणि घरघर आवाज येतो.
सतत वजन कमी होणे – डाएटिंग न करता तुमचे वजन खूप लवकर कमी होत असेल तर ते फुफ्फुसाच्या कर्करोगाचे लक्षण असू शकते. शरीरातील कर्करोगाच्या पेशींच्या वाढीमुळे भूक न लागणे आणि वजन कमी होणे शक्य आहे.
कर्करोगाने ग्रस्त असताना, तुम्ही खाल्लेल्या अन्नातून निर्माण होणारी ऊर्जा कर्करोगाच्या पेशी त्यांच्या वाढीसाठी वापरतात, ज्यामुळे थकवा येतो आणि वजन वाढते.
