“मशिदींच्या समोर भोंगे तुम्ही लावा, आम्ही भोंगे वाजवू, अंगावर आलात तर शिंगावर घेऊ”

पुणे : महाराष्ट्र नवनिर्माण सेनेचे (MNS) अध्यक्ष राज ठाकरे (Raj Thackeray) यांनी काही दिवसांपूर्वी मशिदीवरील भोंग्याविषयी वक्तव्य केले होते. त्यानंतर महाराष्ट्रात (Maharashtra) यावरून चांगलेच राजकारण तापले आहे. सोशल डेमोक्रॅटिक पार्टी ऑफ इंडियाने (Social Democratic Party of India) राज ठाकरे यांच्यावर सडकून टीका केली आहे. तसेच इशारा देखील दिला आहे.

राज ठाकरेंनी (Raj Thackeray) चिथावणीखोर वक्तव्य केले आहे. राज ठाकरेंना हिंदुत्वाचे (Hindutwa) राजकारण करायचे आहे. हे भाजपाचे राजकारण आहे अशी टीका एसडीपीआयनं केली आहे. अंगावर आलात तर शिंगावर घेऊ असा इशाराही त्यांनी दिला आहे.

एसडीपीआयचे राज्य सचिव अझहर तांबोळी (Azahar Tamboli)यांनी राज ठाकरे यांच्यावर टीका केली आहे. तसेच शिवसेना नेते संजय राऊत यांच्यावरही टीका केली आहे. पुण्यातील पत्रकार परिषदेमध्ये ते बोलत होते.

ते म्हणाले, संजय राऊत (Sanjay Raut) म्हणतात, की ते हिंदू ओवैसी आहेत. तर मग जसे ओवैसींना रोखण्यासाठी प्रयत्न केले, तसे तुम्ही राज ठाकरेंना काय रोखण्यासाठी काय करत आहात, असा सवाल तांबोळी यांनी केला आहे. राज ठाकरेंवर गुन्हा दाखल का होत नाही असा प्रश्नही त्यांनी यावेळी उपस्थित केला आहे.

अझहर तांबोळी बोलताना म्हणाले, मशिदींच्या समोर भोंगे तुम्ही लावा, आम्ही भोंगे वाजवू, अशी भूमिका त्यांनी घेतली आहे. हिंदू ओवैसींना रोखण्यासाठी प्रयत्न करा असेही ते म्हणाले.

की आम्ही मुस्लीम समाजाच्या बाजूने आहोत. मुस्लीम समाजाला व्हिक्टीम बनवण्याचा प्रयत्न केला जात आहे. राज ठाकरे जातीय दंगल घडवण्याचा प्रयत्न करत आहेत.

जर ते हिंदू ओवैसी आहेत तर त्यांना दाबून ठेवा. सगळे निर्बंध मुस्लीम समाजावर का? आम्ही घटनात्मक मार्गांने उत्तर देणार. पण अंगावर आलात तर सोडणार नाही असा इशाराही अझहर तांबोळी यांनी दिला आहे.