7th Pay Commission : केंद्र सरकार (Central Government) सरकारी कर्मचाऱ्यांसाठी (government employees) सतत नवनवीन घोषणा करत असते, त्यामुळे कर्मचाऱ्यांना त्याचा आर्थिक (Financial) फायदा घेता येतो. या महागाईच्या काळात सरकार कर्मचाऱ्यांसाठी हजारो रुपये देणार आहे. हे पैसे चार ते पाच दिवसांत केंद्रीय कर्मचाऱ्यांच्या बँक खात्यात (Bank account) एकरकमी पैसे येणार आहेत.
खरं तर, ३० मार्च रोजी केंद्र सरकारने केंद्रीय कर्मचारी आणि पेन्शनधारकांसाठी (Pension) महागाई भत्ता आणि महागाई सवलतीमध्ये ३ टक्के वाढ जाहीर केली. अशा परिस्थितीत १ मे रोजी एप्रिलचा पगार वाढेल, तसेच जानेवारी, फेब्रुवारी आणि मार्चची थकबाकीही येईल, अशी अपेक्षा आहे. केंद्रीय कर्मचारी एप्रिल महिन्याच्या पगाराची आतुरतेने वाट पाहत आहेत.
DA आणि DR मधील ही वाढ १ जानेवारी २०२२ पासून लागू झाली आहे. आता मार्चचा पगार जाहीर झाल्यानंतर कर्मचाऱ्यांच्या खात्यात डीएची थकबाकी जमा होऊ शकते. म्हणजेच एप्रिल महिन्यात केंद्रीय कर्मचाऱ्यांच्या खात्यात मोठी रक्कम येणार आहे.
केंद्र सरकारच्या या घोषणेचा एक कोटींहून अधिक सरकारी कर्मचारी आणि पेन्शनधारकांना म्हणजे ५० लाख कर्मचारी आणि ६५ लाख पेन्शनधारकांना फायदा होणार आहे.
केंद्र सरकारने महागाई भत्त्यात ३ टक्क्यांनी वाढ करताच केंद्रीय कर्मचाऱ्यांचा महागाई भत्ता ९ महिन्यांत दुप्पट झाला आहे. केंद्रीय कर्मचारी आणि पेन्शनधारकांना आता ३४ टक्के डीए मिळेल, जो सुमारे ९ महिन्यांपूर्वी केवळ १७ टक्के होता.
म्हणजेच ९ महिन्यांत केंद्रीय कर्मचाऱ्यांचा डीए १७ टक्क्यांवरून ३४ टक्क्यांवर दुप्पट झाला आहे. याचा फायदा ५० लाख कर्मचारी आणि ६५ लाख पेन्शनधारकांना होणार आहे. मात्र, या उपक्रमामुळे सरकारवर वार्षिक 9544.50 कोटी रुपयांचा बोजा वाढणार आहे.
गेल्या वर्षी जुलै २०२१ मध्ये कर्मचाऱ्यांचा डीए १७ टक्के होता. यानंतर जुलै महिन्यात सरकारने महागाई भत्ता 11 टक्क्यांनी वाढवला होता. त्यामुळे त्यांचा डीए 17 टक्क्यांवरून 28 टक्क्यांवर गेला आहे. यानंतर नोव्हेंबर 2021 मध्ये डीएमध्ये 3 टक्क्यांनी वाढ करण्यात आली.
यानंतर डीए 31 टक्के झाला. गेल्या महिन्यात, ३० मार्च रोजी, सरकारने पुन्हा एकदा कर्मचाऱ्यांच्या डीएमध्ये ३ टक्के वाढ जाहीर केली, जी आता ३४ टक्के झाली आहे.