Krushi news : मित्रांनो पूर्वी आपल्या देशात पारंपरिक पद्धतीने शेती (Farming) केली जातं असे. मात्र आता काळाच्या ओघात शेती व्यवसायात मोठा बदल बघायला मिळत आहे.
देशात आता नवनवीन तंत्रज्ञानाचा (Farming Technique) वापर करून शेती व्यवसाय केला जाऊ लागला आहे. देशातील वैज्ञानिक (Agriculture Scientists) देखील आता वेगवेगळे शोध लावत आहेत.
शिवाय शेतकरी बांधव देखील आता काळाच्या ओघात नवनवीन तंत्रज्ञानाचा शेतीव्यवसायात समावेश करत आहेत. यामुळे शेतकरी बांधवांच्या उत्पादनात (Farmers Income) मोठी भरीव वाढ होत असून शेतकऱ्यांना आर्थिक सुबत्ता प्राप्त होत आहे. देशातील शेती आता खूपच प्रगत झाली आहे.
आता देशातील शेतकरी बांधव मातीविरहित शेती देखील करू लागले आहेत. खरं पाहता, गेल्या अनेक वर्षांपासून मातीविना शेती केली जात आहे. मातीविना शेती अर्थात एरोपोनिक तंत्रज्ञानाने (Aeroponic Technique) केली जाणारी शेती.
या तंत्रज्ञानात जमिनीत पिकाची लागवड न करता हवेतच लागवड केली जाते. या पद्धतीने देशातील शेतकरी बांधव बटाट्याचे उत्पादन घेत आहेत. खरं पाहता देशात बटाट्याला खूप पसंती दिली जाते.
लहान मुले असो वा प्रौढ, बटाट्यापासून बनवलेले पदार्थ सर्वांनाच आवडतात. देशातील शेतकरी बटाट्याची मुबलक प्रमाणात लागवड करतात. बटाटा हे कंदवर्गीय पीक असल्याने ते जमिनीतच घेतले जाते.
पण एरोपोनिक टेक्निकमुळे याची हवेतही लागवड करणे शक्य होणार आहे. या तंत्रज्ञानाचा वापर केल्यास खर्च कमी आणि नफा जास्त मिळत असल्याचा दावा केला जातो.
एरोपोनिक तंत्रज्ञान काय आहे
मित्रांनो आम्ही आपल्या माहितीसाठी सांगू इच्छितो की, एरोपोनिक तंत्रज्ञान हरियाणातील कर्नाल जिल्ह्यातील बटाटा तंत्रज्ञान केंद्राने विकसित केले आहे. विशेष म्हणजे या केंद्राने विकसित केलेल्या या एरोपोनिक तंत्रज्ञानास सरकारने मान्यता देखील दिली आहे,
तसेच या तंत्रज्ञानाचा परवाना देण्याचा अधिकार मध्य प्रदेश उद्यान विभागाला देण्याचा निर्णय घेण्यात आला आहे. या तंत्रात, बटाट्यांना मातीची म्हणजेचं जमिनीची अजिबात गरज भासणार नाही. या तंत्रज्ञानात मुळे हवेत लटकुन त्यांचे पोषण करत असतात.
धुक्याच्या स्वरूपात पोषक तत्वांची फवारणी
एरोपोनिक तंत्रात, पोषक तत्त्वे धुक्याच्या स्वरूपात मुळांमध्ये फवारली जातात. वनस्पतीचा वरचा भाग खुल्या हवेत आणि प्रकाशात राहतो. अशा प्रकारे झाडाला संपूर्ण पोषण मिळते.
रोग होण्याची शक्यता असते कमी
मित्रांनो या तंत्रज्ञानाची सर्वात चांगली गोष्ट म्हणजे या तंत्राचा वापर केल्यास बटाट्याच्या उत्पादनात मातीजन्य रोग होण्याची शक्यता कमी असते, कारण की या तंत्रात मातीचा वापर केला जात नाही. त्यामुळे शेतकऱ्यांचे नुकसान कमी होते आणि नफा मिळण्याची शक्यता जास्त असते. निश्चितच या तंत्रज्ञानामुळे शेतकऱ्यांच्या उत्पन्नात भरीव वाढ होणार आहे.
