Monsoon Update : आज मान्सून दिल्लीसह (Delhi) आसपासच्या भागात दाखल होण्याची शक्यता आहे. भारतीय हवामान खात्याने (IMD) आज देशातील अनेक भागात वादळी वाऱ्यासह मुसळधार पावसाचा (Heavy rain) इशारा दिला आहे.
येथेही मान्सून दाखल झाला आहे
IMD नुसार, नैऋत्य मान्सून आज दक्षिण ओडिशातून भुवनेश्वरमध्ये दाखल झाला आहे. मान्सूनने कोरापुट, मलकानगिरी आणि नबरंगपूर जिल्ह्यांना पूर्णपणे व्यापले आहे. नुआपाडा, कालाहंडी आणि रायगड जिल्ह्यांतील काही भागात अंशतः ढगाळ आकाश आहे.
पावसाळा सुरू झाल्याने राज्यातील विविध भागातील नागरिकांना उष्णतेपासून दिलासा (Comfort) मिळण्याची शक्यता आहे. पुढील २-३ दिवसांत ओडिशाच्या आणखी काही भागांमध्ये मान्सूनची आणखी प्रगती अपेक्षित आहे.
त्याचवेळी IMD ने मेघालयसाठी ‘रेड अलर्ट’ आणि शुक्रवार आणि शनिवारी ‘ऑरेंज अलर्ट’ जारी केला आहे. जॉयपूर, बोंडा कॉलनी, दक्षिण सरनिया, गीतानगरचा अमायापूर, खरगुली परिसरातील १२ मैल यासह अनेक भागात डेब्रिज साचल्याने रस्ते ठप्प झाले होते.
अधिकाऱ्यांच्या म्हणण्यानुसार, निजारापारकडे जाणारा रस्ता मोकळा करण्याचे काम सुरू आहे. राज्यातील किमान १८ जिल्ह्यांमध्ये अजूनही मुसळधार पाऊस सुरू आहे.
या राज्यांमध्ये पाऊस पडेल
आयएमडीनुसार, येत्या दोन दिवसांत राष्ट्रीय राजधानी दिल्लीच्या सर्व भागात पाऊस पडण्याची शक्यता आहे. यासोबतच तापमानातही घट होणार असून, त्यामुळे नागरिकांना उष्णतेपासून दिलासा मिळण्याची अपेक्षा आहे.
दिल्लीला लागून असलेल्या पश्चिम उत्तर प्रदेश, हरियाणा, पंजाब आणि उत्तराखंडमध्येही हवामानाची स्थिती पुन्हा एकदा बिघडण्याची शक्यता व्यक्त करण्यात आली आहे. या सर्व राज्यांमध्ये सकाळपासूनच ढगांनी तळ ठोकला असून, गडगडाटही होताना दिसत आहे. तसेच पावसाचा इशारा देण्यात आला आहे.
