Maruti Suzuki : ग्राहकांच्या (Customer) गरजा (Needs) पूर्ण करण्यासाठी बाजारात मारुती सुझुकी (Maruti Suzuki) बऱ्याच काळापासून नवीन अल्टोवर (Alto) काम करत होती. नुकतेच या कारने जागतिक स्तरावर पदार्पण केले आहे. त्यापूर्वीच तिचे फीचर्स लीक झाले आहेत.
मारुती सुझुकी नवीन डिझाइनमध्ये –
लीक झालेल्या चित्रात मारुती-सुझुकी पूर्णपणे नवीन डिझाइनमध्ये दिसत आहे. ही कार निळ्या आणि लाल रंगात दिसली आहे. अल्टोच्या वरच्या दृश्यासह मागील आणि बाजूचे प्रोफाइल चित्रांमध्ये दृश्यमान आहेत.
नवीन मारुती अल्टो 2022 (Maruti Alto 2022) मॉडेल यावर्षी दिवाळीपूर्वी बाजारात (Market) येण्याची शक्यता आहे. नवीन मारुती सुझुकी आउटगोइंग मॉडेलपेक्षा उंच असेल हे लीक झालेल्या चित्रात स्पष्टपणे दिसत आहे.
नवीन एक्सटीरियरसह येणारी अल्टो –
मारुती सुझुकी नवीन एक्सटीरियरसह बाजारात येणार असल्याचे चित्र स्पष्टपणे दिसत आहे. मारुती सुझुकी अल्ट्रो 2022 मध्ये नवीन बंपर, बॉडी कलर पिलर आणि डोअर हँडल, सिल्व्हर व्हील कव्हर्ससह स्टील व्हील, पारंपारिक अँटेना, पुढील आणि मागील बाजूस इंटिग्रेटेड स्पॉयलर असल्याचे समोर आले आहे.
याशिवाय, नवीन टेललाइट्स, मागील बंपरशी संलग्न नंबर प्लेट रिसेस आणि मागील बूटलिडवर एक व्ह्यू कॅमेरा असेल. नवीन मॉडेलला फ्लॅट रूफलाइन आणि आकर्षक फेंडर्स मिळतात.
आतील वैशिष्ट्ये-
नवीन मारुती सुझुकी अल्टो मध्ये देखील केबिनमध्ये अधिक जागा असेल. केबिनमध्ये मोठे बदल अपेक्षित आहेत. यात नवीन डॅशबोर्ड आणि सेंट्रल कन्सोल डिझाइन मिळेल. यात स्मार्टफोन कनेक्टिव्हिटीसह टचस्क्रीन इन्फोटेनमेंट सिस्टम, सेमी-डिजिटल इन्स्ट्रुमेंट कन्सोल सारखी वैशिष्ट्ये मिळू शकतात.
