8th Pay Commission : मागील काही दिवसांपासून आठव्या वेतन आयोगाची चर्चा सुरु आहे. आठवा वेतन आयोग लागू होणार की नाही याबाबत गोंधळ (Confusion) निर्माण होत होता.
याबाबत मोदी सरकारने (Modi Government) महत्त्वाची माहिती दिली असून माहितीनुसार आठवा वेतन आयोग येणार नसल्याचे सरकारने (Government) स्पष्ट केले आहे.
सरकारने संसदेत उत्तर दिले
हा दावा निराधार असल्याचे सांगत केंद्र सरकारने आता यावर आपली भूमिका स्पष्ट केली आहे. म्हणजेच केंद्र सरकारी कर्मचारी आणि पेन्शनधारकांच्या पगार, भत्ते आणि पेन्शनमध्ये सुधारणा करण्यासाठी सरकार 8 वा केंद्रीय वेतन आयोग आणण्याचा विचार करत नाही.
असा कोणताही प्रस्ताव सरकारकडे विचाराधीन नाही, असे केंद्रीय अर्थ राज्यमंत्री पंकज चौधरी (Pankaj Chaudhary) यांनी संसदेत (Parliaments) एका प्रश्नाच्या लेखी उत्तरात सांगितले.
चर्चा होत नाही
केंद्र सरकारचे कर्मचारी आणि निवृत्तीवेतनधारकांचे वेतन, भत्ते आणि निवृत्ती वेतन सुधारण्यासाठी सरकार 8वा वेतन आयोग लागू करण्याचा विचार करत आहे हे खरे आहे का, असा प्रश्न चौधरी यांना सभागृहात विचारण्यात आला.
त्यावर सरकारकडून अशी कोणतीही चर्चा करत नसल्याचे उत्तर देण्यात आले आहे.
हे नियम बदलणार!
दुसरीकडे, केंद्रीय अर्थ राज्यमंत्र्यांनी कर्मचाऱ्यांच्या पगार आणि पदोन्नतीबाबत सांगितले की, पे मॅट्रिक्समध्ये वेळोवेळी बदल व्हायला हवेत आणि त्यासाठी पुढील वेतनाची गरज नाही, असे सुचवण्यात आले आहे.
अशा स्थितीत कर्मचार्‍यांच्या गरजेनुसार निर्णय घेण्यात यावा, अशा अॅक्रॉयड फॉर्म्युल्याच्या आधारे पुनरावलोकन करून त्यात सुधारणा करता येऊ शकतात. म्हणजे सरकार पदोन्नतीच्या नियमांमध्ये बदल करू शकते.
