Twitter Hack : मायक्रोब्लॉगिंग वेबसाईट ट्विटर (Twitter) हे जगातील एक प्रसिद्ध सोशल मीडियापैकी (Social media) एक आहे. दररोज कितीतरी लोक यावर आपले मत व्यक्त करत असतात.
जगभरात ट्विटरचा वापर करणारे कोट्यवधी युजर्स (Twitter users) आहेत. परंतु, ट्विटरबाबत एक धक्कादायक माहिती समोर आलीय. ट्विटरच्या तब्बल 54 लाख युजर्सची खाजगी माहिती लीक झाल्यामुळे एकच खळबळ उडाली आहे.
शुक्रवारी जारी केलेल्या एका निवेदनात, ट्विटरने म्हटले आहे की वापरकर्त्यांना लॉग-इन दरम्यान वापरल्या जाणार्‍या फोन नंबर किंवा ईमेल आयडीच्या आधारे वापरकर्त्यांना ओळखणार्‍या बगची जाणीव व्हावी अशी त्यांची इच्छा आहे.
म्हणजेच, हा बग वापरकर्त्यांचा(Users) फोन नंबर आणि ई-मेल आयडी द्वारे तपासतो की त्याच नंबरचे दुसरे खाते किंवा ई-मेल आयडी आहे. या बगचा फायदा घेत युजर्सचा डेटा हॅक (Data Hack) करण्यात आला.
ते म्हणाले की ट्विटरला या वर्षीच्या जानेवारीमध्ये बग बाउंटी (Bug Bounty) कार्यक्रमाच्या माध्यमातून त्यांच्या सिस्टममधील या बगची माहिती मिळाली.
ही बाब आम्हांला कळताच आम्ही तत्काळ तपास केला आणि तो निश्चित करण्यात आला. त्या वेळी आमच्याकडे या बगचा कोणी फायदा घेतल्याचे सूचित करणारा कोणताही पुरावा नव्हता.
54 लाख युजर्सचा वैयक्तिक डेटा लीक झाला होता
सुमारे 5.4 दशलक्ष म्हणजेच 54 लाख वापरकर्त्यांचा वैयक्तिक डेटा ट्विटरवर विक्रीसाठी उपलब्ध होता. री-स्टोअर प्रायव्हसीच्या अहवालानुसार, या वर्षाच्या सुरुवातीला युजर्सचा वैयक्तिक डेटा हॅक झाला होता. हा डेटा लीक ट्विटरच्या अँड्रॉइड वापरकर्त्यांच्या ऑथोरायझेशन प्रक्रियेतील बगमुळे झाला आहे.
या बगमुळे युजर्सचे फोन नंबर, ई-मेल, आयडी, नावे आणि पत्ते लीक झाले होते. हा डेटा लीक त्याच बगमुळे झाला ज्यासाठी ट्विटरने बग बाउंटी प्रोग्राम अंतर्गत झिरिनोव्स्की नावाच्या हॅकरला $5,040 म्हणजेच 4,02,386 रुपये दिले.
