7th Pay Commission : केंद्रीय कर्मचाऱ्यांसाठी लवकरच महागाई भत्ता (DA) वाढवण्यात येणार असल्याच्या बातम्या माध्यमांमध्ये येत होत्या. मात्र केंद्र सरकारने (Central Government) याबाबत कोणताही निर्णय घेण्यात आलेला नसल्याचे स्पष्टीकरण दिले आहे. त्यामुळे केंद्रीय कर्मचाऱ्यांचा (Central Employees) महागाई भत्ता आता तरी वाढणार नसल्यचे स्पष्ट झाले आहे.
गुजरात, मध्य प्रदेश, छत्तीसगड आणि त्रिपुरासह अनेक राज्य सरकारांनी कर्मचाऱ्यांच्या महागाई भत्त्यात वाढ करण्याची घोषणा केली आहे. मात्र केंद्रीय कर्मचाऱ्यांच्या डीएबाबत अद्याप निर्णय झालेला नाही.
मात्र सप्टेंबरच्या पहिल्या आठवड्यात सरकार याबाबत घोषणा करेल अशी अपेक्षा आहे. मात्र, याबाबत सरकारकडून कोणतेही अधिकृत वक्तव्य आलेले नाही. नुकतेच केंद्रीय राज्यमंत्री पंकज चौधरी (Union Minister of State Pankaj Chaudhary) यांनी सध्या आठवा वेतन आयोग (8th Pay Commission) येणार नसल्याचे लोकसभेत स्पष्ट केले आहे.
मार्च महिन्यात कर्मचाऱ्यांच्या महागाई भत्त्यात वाढ करण्यात आली होती
7 व्या वेतन आयोगांतर्गत, केंद्रीय कर्मचाऱ्यांच्या महागाई भत्त्यात मार्च 2022 मध्ये 3 टक्क्यांनी वाढ करण्यात आली होती. त्यावेळी ती 31 वरून 34 टक्के करण्यात आली होती.
त्यावेळी १ जानेवारीपासून डीएमध्ये वाढ लागू करून कर्मचाऱ्यांना दोन महिन्यांच्या थकबाकीसह वेतन देण्यात आले होते. नियमानुसार दर सहा महिन्यांनी डीए वाढवायला हवा.
डीएमध्ये किती वाढ होणार?
कर्मचाऱ्यांचा महागाई भत्ता किती वाढेल यासाठी सरकार AICPI-IW (All India Consumer Price Index- Industrial Worker) इंडेक्सचा डेटा वापरते. AICPI-IW च्या पहिल्या सहामाहीची आकडेवारी जाहीर झाली आहे. जूनमध्ये निर्देशांक 129.2 वर पोहोचला आहे. निर्देशांकाच्या वाढीमुळे डीएमध्ये 4 टक्क्यांनी वाढ होण्याची खात्री आहे.
38% DA चे पैसे कधी येणार?
महागाई भत्त्यात ४ टक्क्यांनी वाढ केल्यानंतर केंद्रीय कर्मचाऱ्यांचा महागाई भत्ता ३८ टक्के होईल. सप्टेंबरच्या सुरुवातीला जाहीर केल्यास वाढीव महागाई भत्ता सप्टेंबर २०२२ च्या पगारात दिला जाईल. अशा स्थितीत जुलै आणि ऑगस्टच्या थकबाकीचाही यात समावेश होणार आहे. 4 टक्के DA सह किमान आणि कमाल मूळ वेतन किती वाढेल ते पाहूया?
कमाल मूळ पगाराची गणना
1. कर्मचार्‍यांचे मूळ वेतन रु 56,900
2. नवीन महागाई भत्ता (38%) रुपये 21,622/महिना
3. आतापर्यंत महागाई भत्ता (34%) रु.19,346/महिना
4. महागाई भत्त्यात 21,622-19,346 ने किती वाढ झाली = रु 2260/महिना
5. वार्षिक पगारात वाढ 2260 X12 = रु. 27,120
किमान मूळ पगाराची गणना
1. कर्मचार्‍याचे मूळ वेतन रु. 18,000
2. नवीन महागाई भत्ता (38%) रु.6840/महिना
3. आतापर्यंत महागाई भत्ता (34%) रु.6120/महिना
4. किती महागाई भत्ता वाढला 6840-6120 = रु.1080/महिना
5. वार्षिक पगारात वाढ 720X12 = रु 8640
