OPPO smartphone : टेक प्लॅटफॉर्मवर आपल्या उत्पादन पोर्टफोलिओचा विस्तार करत, OPPO ने ‘A सीरीज’ अंतर्गत OPPO A57s हा नवीन स्मार्टफोन लॉन्च केला आहे. हा मोबाईल फोन सर्वप्रथम क्रोएशिया, युरोपमध्ये विक्रीसाठी उपलब्ध होईल, त्यानंतर तो भारतीय बाजारपेठेत दाखल होईल. स्टायलिश दिसणाऱ्या Oppo A57s मध्ये 50MP कॅमेरा, 33W SuperVOOC 5,000mAh बॅटरी आणि Mediatek Helio G35 सारखी वैशिष्ट्ये आहेत.
OPPO A57s वैशिष्ट्ये
Oppo A57s स्मार्टफोन 1612 x 720 पिक्सेल रिझोल्यूशनसह 6.56-इंचाच्या HD डिस्प्लेला सपोर्ट करतो, जो 60Hz रिफ्रेश रेटवर काम करतो. हा फोन स्क्रीन 269PPI, 600nits ब्राइटनेस आणि 16.7M कलर डेप्थला सपोर्ट करतो आणि तो Panda MN228 ग्लासने संरक्षित आहे.
OPPO A57s Android आधारित ColorOS वर काम करतो आणि या स्मार्टफोनला प्रोसेसिंगसाठी 2.3GHz क्लॉक स्पीडसह ऑक्टा-कोर प्रोसेसरसह MediaTek Helio G35 चिपसेट देण्यात आला आहे. ग्राफिक्ससाठी हा फोन IMG GE8320 GPU ला सपोर्ट करतो.
सेल्फी आणि व्हिडिओ कॉलिंगसाठी, Oppo A57s स्मार्टफोन F/2.0 अपर्चरसह 8-मेगापिक्सेल फ्रंट कॅमेराला सपोर्ट करतो. त्याच वेळी, या मोबाइलच्या मागील पॅनलवर डुअल रियर कॅमेरा सेटअप देण्यात आला आहे, ज्यामध्ये F/1.8 अपर्चरसह 50-मेगापिक्सलचा प्राथमिक सेन्सर आणि F/2.4 अपर्चरसह 2-मेगापिक्सलचा मोनोक्रोम सेन्सर आहे.
OPPO A57s हा एक 4G फोन आहे जो ड्युअल सिम, 3.5mm जॅक आणि इतर मूलभूत कनेक्टिव्हिटी वैशिष्ट्यांना सपोर्ट करतो. सुरक्षेसाठी, साइड पॅनलवर फिंगरप्रिंट सेन्सर दिलेला आहे, तर पॉवर बॅकअपसाठी, हा स्मार्टफोन 33W सुपरवूक फास्ट चार्जिंग तंत्रज्ञानासह 5,000 mAh बॅटरीला सपोर्ट करतो.
OPPO A57s ची भारतात किंमत
Oppo A57s स्मार्टफोन युरोपमध्ये एकाच प्रकारात सादर करण्यात आला आहे, ज्यामध्ये 4 GB RAM सह 64 GB अंतर्गत स्टोरेज आहे. कंपनीने फोनची किंमत अद्याप उघड केली नसली तरी, भारतीय चलनानुसार OPPO A57s 15,000 रुपयांच्या बजेटमध्ये विक्रीसाठी उपलब्ध होईल अशी अपेक्षा आहे.
