WhatsApp : आजच्या काळात व्हॉट्सअ‍ॅपचा मोठ्या प्रमाणात वापर (WhatsApp Use) केला जात आहे. त्यामुळे व्हॉट्सअ‍ॅप आज आपल्या जीवनाचा एक महत्त्वाचा भाग बनले आहे.
व्हॉट्सअ‍ॅपला टक्कर देण्यासाठी नवीन ॲप लाँच (New app launch) झाले आहे. हे जीबी व्हॉट्सअ‍ॅप (GB Whatsapp) असे या ॲपचे नाव असून हे अ‍ॅप काय आहे ते जाणून घेऊया.
जीबी व्हॉट्सॲप म्हणजे काय?
या ॲपची चर्चा अनेक दिवसांपासून सुरू आहे. त्यामुळे तो सुरक्षित पर्याय (Safe option) आहे की नाही हे जाणून घेणेही महत्त्वाचे आहे. हे ॲप व्हॉट्सॲपचे नवीन आवृत्ती नाही.
हे क्लोन ॲप आहे. मात्र यामध्ये व्हॉट्सॲपपेक्षा जास्त फीचर्स देण्यात आले आहेत. व्हॉट्सॲपप्रमाणेच यात मेसेजिंग, चॅटिंग, व्हिडीओ कॉलिंग यासारखे फीचर्स उपलब्ध आहेत, त्याचप्रमाणे आणखीही अनेक फीचर्स यात देण्यात आले आहेत.
तुम्ही हे ॲप तुमच्यानुसार कस्टमाइज देखील करू शकता. याशिवाय ऑटो रिप्लाय, डीएनडी, चॅनल मेसेज, डाऊनलोड स्टेटस, वेस्ट थीम आदी फीचर्सही देण्यात आले आहेत.
हे फीचर्स पाहून यूजर्सना (WhatsApp User) वाटले की हे ॲप व्हॉट्सॲपपेक्षा खूप चांगले आहे पण तसे नाही. जीबी व्हॉट्सॲप खूप धोकादायक आहे. कसे ते जाणून घेऊया.
जीबी व्हॉट्सॲप सुरक्षित आहे का?
आता या ॲपमध्ये तुम्हाला व्हॉट्सॲप प्रमाणेच फीचर्स (Features) मिळतील पण ते तुमच्यासाठी सुरक्षित आहे का? लक्षात घ्या की ते डाउनलोड करणे आणि स्थापित करणे अत्यंत धोकादायक आहे.
यानंतरही तुम्ही जीबी व्हॉट्सॲप वापरत असाल तर तुम्हाला तुमच्या मूळ व्हॉट्सॲप अकाउंटवरून ब्लॉक केले जाईल. जीबी व्हॉट्सॲपमध्ये तुमची वैयक्तिक माहिती देखील विचारली जाते, जी हॅक करणे खूप सोपे आहे.
हे ॲप गुगल प्ले स्टोअरवर (Google Play Store) उपलब्ध नाही. ते डाउनलोड करण्यासाठी, तुम्हाला एपीके फाइल डाउनलोड करावी लागेल. तरीही, Google Play Store वर नसलेले ॲप सुरक्षित मानले जाऊ शकत नाही.
