Tata Motors : सप्टेंबर महिन्यात टाटा मोटर्सच्या गाड्यांची मोठी विक्री झाली आहे. कंपनीने सप्टेंबर 2022 मध्ये देशांतर्गत बाजारपेठेत एकूण 47,654 प्रवासी वाहनांची विक्री केली असून, वर्ष-दर-वर्ष 85% ची वाढ नोंदवली आहे. कंपनी गेल्या वर्षी याच कालावधीत केवळ 25,730 कारची विक्री केली होती.
या आकडेवारीसह टाटा मोटर्स कार विक्रीमध्ये मारुती सुझुकी आणि ह्युंदाईनंतर तिसऱ्या क्रमांकावर आहे. मारुती सुझुकी आणि ह्युंदाईची एकूण प्रवासी कार विक्री सप्टेंबर 2022 मध्ये अनुक्रमे 1.55 लाख युनिट्स आणि 49,700 युनिट्स होती.
टाटा मोटर्स पॅसेंजर व्हेइकल्सचे व्यवस्थापकीय संचालक शैलेश चंद्र म्हणाले की, नेक्सॉन आणि पंचच्या विक्रमी विक्रीमुळे कंपनीने गेल्या महिन्यात 47,654 ची मासिक विक्री गाठली. ते पुढे म्हणाले की, Tiago EV च्या अलीकडेच लाँच झाल्यामुळे, कंपनीने नवीन मार्ग उघडले आहेत आणि देशभरात ग्राहक इलेक्ट्रिक वाहनांचा मोठ्या प्रमाणावर अवलंब करण्यास तयार आहे. ते म्हणाले की, सणासुदीच्या काळात पुरवठ्यात सुधारणा होऊन किरकोळ विक्री आणखी मजबूत होईल अशी कंपनीची अपेक्षा आहे.
कंपनीने म्हटले आहे की देशांतर्गत बाजारपेठेत त्यांच्या व्यावसायिक वाहनांची डिस्पॅच गेल्या महिन्यात 9 टक्क्यांनी वाढून 32,979 युनिट्सवर गेली होती, जी गेल्या वर्षी सप्टेंबरमध्ये 30,258 युनिट्स होती. सप्टेंबर महिन्यात देशांतर्गत बाजारपेठेत टाटा मोटर्सची एकूण वाहन (प्रवासी आणि व्यावसायिक) विक्री 80,633 युनिट्स नोंदली गेली, जी सप्टेंबर 2021 च्या विक्रीपेक्षा 44% जास्त होती.
टाटा मोटर्ससाठी सप्टेंबर 2022 खूप खास होता. गेल्या महिन्यात, आपल्या पिक-अप वाहनांचे नवीन मॉडेल लॉन्च करण्याबरोबरच, कंपनीने इलेक्ट्रिक अवतारात टियागो हॅचबॅक देखील लॉन्च केले.
कंपनीने Yodha 2.0, Intra V20 CNG आणि Intra V50 मॉडेल्स Tata च्या पिक-अप वाहनांच्या नवीन श्रेणीत भारतीय बाजारपेठेत लॉन्च केले. नवीन वाहने पूर्वीपेक्षा अधिक कार्यक्षम आहेत आणि इंधनाची बचत करतात. Tata Tiago EV बद्दल बोलायचे झाले तर कंपनीने त्याची सुरुवातीची किंमत 8.49 लाख रुपये (एक्स-शोरूम) मध्ये लॉन्च केली आहे. त्याच्या टॉप मॉडेलची किंमत 11.79 लाख रुपये (एक्स-शोरूम) पर्यंत जाते.
या किमतीत उपलब्ध होणारी ही देशातील सर्वात किफायतशीर इलेक्ट्रिक कार बनली आहे. Tiago EV बद्दल बोलायचे तर, हे दोन बॅटरी पॅक पर्यायांसह 7 प्रकारांमध्ये सादर केले गेले आहे. Tiago EV च्या सध्याच्या किमती फक्त 10,000 युनिट्सचे बुकिंग होईपर्यंत लागू असतील. ग्राहक 10 ऑक्टोबरपासून Tiago EV बुक करू शकतील, तर डिलिव्हरी पुढील वर्षी जानेवारीपासून सुरू होईल.
कंपनीने Tiago EV च्या बेस व्हेरियंटमध्ये 19.2 kWh बॅटरी पॅक वापरला आहे, तर टॉप व्हेरियंटमध्ये 24 kWh बॅटरी पॅक वापरण्यात आला आहे. श्रेणीच्या दृष्टीने, 24 kWh बॅटरी पॅक मॉडेलची रेंज 315 किमी आहे, तर 19.2 kWh बॅटरी पॅक मॉडेल कमाल 250 किमीची श्रेणी वितरीत करण्यास सक्षम आहे.
Tata Tiago EV नवीनतम Ziptron प्लॅटफॉर्मवर तयार केले आहे. कंपनी यामध्ये पर्मनंट मॅग्नेट सिंक्रोनस इलेक्ट्रिक मोटर वापरत आहे. Tiago EV फक्त 5.7 सेकंदात 0-60 किमी/ताशी वेग पकडू शकते. आत्तापर्यंत, Tiago EV च्या तुलनेत परवडणारी दुसरी कोणतीही इलेक्ट्रिक उपलब्ध नाही. दरम्यान, MG Motor ने देखील घोषणा केली आहे की ती लवकरच भारतात स्वस्त इलेक्ट्रिक कार लाँच करणार आहे.
